سەرنووچە:

پەرلەمانتارەکێ عێراقێ: پێدڤیە هەرسێ سەرۆکاتیێن عێراقێ پێکڤە دەست ژکاربکێشن

فۆتۆ: 
2019-12-01

293 جار خوێندراوەتەوە

ئەندامەکێ پەرلەمانێ عێراقێ لسەر فراکسیونا سادیقون راگەهاند، هەر سێ سەرۆکاتیێن عێراقێ ب یەک رێکەفتن هاتنە دانان و پێدڤیە پشتى دەست ژ کارکیشانا عاجل عەبدولمەهدی هەر یەک ژ محەمەد حەلبوسی و بەرهەم سالح پۆستین خۆ بهێلن.

ئەحمەد کینایی پەرلەمانتاری عێراقێ یێ سەر ب فراکسیۆنا سادیقون د داخویانیەکا تەلەڤزونى دا تەکەز کر، پێدڤیە پشتى عادل عەبدولمەهدی هەر یەک ژ محەمەد حەلبوسی و بەرهەم سالح خو ژ پۆستێن خۆ ڤەکێشن، ژبەر کو ب گوتنا کینانى،" ئەو سێ سەرکردین عێراقێ بەرهەمێ یەک رێکەفتنن و ب یەک ریکەفتن ئەو پۆست پێ هاتنە دان، ژبەر وی یەکی ب لادانا عەبدولمەهدی د پۆستی سەرۆک وەزیرێ پێدڤیە حەلبوسی و بەرهەم سالح ژى دەست ژ پۆستێن خۆ بکێشن".

کینانى گوت ژى، " بەحس لسەر وی یەکی ژى هەیە کو یەک ژ وان دوو سەرکردان پلان دژى عەبدولمەهدى دانابیت".

وى پەرلەمانتاری گوت ژى،" قوناغا داهاتی یا عێراقێ پێدڤی ب پەرلەمانەکێ کارا هەیە، پێدڤیە کەسەکی ژ هەژى و دەسپاقژ بۆ جهگرێ عەبدولمەهدی بهێتە دیارکرن.

ئەڤە ژى د دەمەکێ دایە کو عادل عەبدولمەهدی سەرۆک وەزیرێ عێراقێ بەرهەڤیا خۆ نیشاندابوو بۆ دەست ژ کارکێشانێ، دوهی ژى ب فەرمى نامەیا دەست ژکارکێشانی پێشکێشی پەرلەمانى کریە و بریارە ئەڤرۆ دەنگدان لسەر بهێتە کرن.