سەرنووچە:

خونیشاندنێن عێراقێ د بەردەوامن

فۆتۆ: 
2019-12-01

239 جار خوێندراوەتەوە

خونیشاندان ل باژارێن عێراقێ بەردەوامە و ل نەهـ پارێزگەهان ماتەمینى راگەهاندیە بۆ وان کەسێن د دووو رۆژێن دەربازبووى دا هاتنە کوشتن.

نووچەگەهانی ئێن ئاڕ تى راگەهاند، ل بەغدا خونیشاندان و نەرازیبوون د بەردەوامن و خونیشاندەر د رژدن لسەر داخوازیێن خۆ بۆ چاکسازیان و هەلوەشاندنا حکومەتێ.

زولال ژى کر، پشتى نیڤرۆ یا ئەڤرۆ پەرلەمانێ عیراقێ دێ جڤیت و گۆتۆبێێ لسەر کوشتنا خونیشاندەران و دەست ژکارکێشانا عادل عەبدولمەهدی سەرۆک وەزیرێ عێراقێ کەت.

 هەروەسا راگەهاند، ئەڤرۆ ل حەفت پارێزگەهێن عێراقێ دێ بۆ دەما سێ رۆژان ماتەمینی بۆ وان کەسێن د خونیشاندانان دا هاتنەکوشتن هێتە راگەهاندن و ئەڤرۆ ژى دەواما فەرمانگەهان دێ هێتە راگرتن.

لگورى ئامارەکا نەفەرمى د دەما دوو رۆژێن دەربازبووى دا نێزیکى ٧٠ خونیشاندەران ل هەردوو پارێزگەهێن نەجەف و ناسریە هاتنە کوشتن، لدیف ئامارێن کومسیۆنا بلند یا مافێن مرۆڤی ل عێراقێ، هەژمارا وان کەسێن د خونیشاندانان دا هاتنە کوشتن گەهشتینە ٤١٨ کوشتی و زێدەترى ١٥هزار برینداران.