سەرنووچە:

ئیران: خونیشاندان ب داوى هاتن

فۆتۆ: 
2019-11-19

547 جار خوێندراوەتەوە

پەیڤدارێ جڤاتا دادوەرى یا ئیرانێ راگەهاند، پشتى هۆشداریا ئارتێشا پاسداران بۆ خونیشاندەرێن باژارێن ئیرانێ ، خونیشاندان داوى هاتن.

غولام حەسەن ئیسماعیلى پەیڤدارێ جڤاتا دادوەرى یا ئیرانێ د دەما کۆنفرانسەکا رۆژنامەڤانیێ دا رگەهاند، خونیشاندانێن ئیرانێ کو ب سەدەما بلندبوونا بهایێ بەنزینێ هاتنبوون ئەنجامدان ، ب داوى هاتن.

هەروەسا راگەهاند ژى، داوى هاتنا خونیشاندانان ل پشتى هۆشداریا ئارتێشا پاسداران بوو کو تێدا هاتبوو ، ئەگەر ئالوزى بەردەوام بن ، دێ پێنگاڤێن بلەز هێن هاڤێتن و دێ رووبرووى وان کەسان بین کو ئالوزیان دروست دکەن و ئارامى و ئاسایشا خەلکى تێک ددەن.

ئەڤە ژى د دەمەکێ دایە، رۆژا ئەینی یا دەربازبوویى خونیشاندان ل تاران پایتەخت و ئیرانێ چەند باژارێن رۆژهەلاتا کوردستانێ ل دژى بلندبوونا بهایێ بەنزینێ برێڤەچوون.