سەرنووچە:

وەزارەتا پەروەردێ پڕۆژەیەکێ فێرکاریێ ئەلکترۆنی ڕاگەهاند

تەڤایا وانەیێن قۆناغا یەکێ هەیا قۆناغا  ١٢ێ ئامادەی تێدا هەیە
فۆتۆ: 
2019-11-18

703 جار خوێندراوەتەوە

ب مفاوەرگرتن ژ تەکنەلۆژیایا نوو، وەزارەتا پەروەردێ پڕۆژەیەکێ فێرکاریێ ئەلکترۆنی ب ناڤێ " هەورە فێرگە" پێشکێشی ماموستا و خوێندەکاران دکەت.

ئالان حەمە سەعید وەزیرێ پەروەردەیا هەرێمێ د گرتەیەکا ڤیدیۆیی دا کو د پەڕەیێ وەزارەتێ دا هاتیە بەلاڤکرن، ڕاگەهاندیە، لگۆڕەی وی پڕۆگرامێ نوو، خوێندەکار بێی کو د پۆلێ دا بەرهەڤ بیت، دشێت مفایێ ژ وانەیان وەرگریت و ئاگەهداری پڕۆگرامێن خاندنێ بیت.

بەحسا وێ یەکێ ژی کر، د وی پرۆگرامی دا، تەڤایا وانەیێن قۆناغا یەکێ هەیا قۆناغا ١٢ێ ئامادەی بوون هەیە و خوێندەکار دشێت وانەیان بخینیت، هەروەسا د ناڤ پرۆگرامان دا هەموو وانە ب ڤیدیۆ و ب زمانێ کوردی دهێنە شرۆڤەکرن و، خوێندەکار بێی کو د ناڤ پۆلێ دا بەرهەڤی وانەیێ بیت، وانە دێ ڕاستەخۆ بۆ چیت و دشێت تێدا بخینیت.

هەر د پرۆگرامێ "هەورە فێرگەدا" بەشا تاقیکرنان تێدا هەیە و خوێندەکار هەلسەنگاندنێ بۆ فێربوونا خۆ دکەت، بەشەکا دی ژی د وی پڕۆگرامی دا دبێژنێ پرسیارخانە، کو تێدا چەندین پرسیار دەربارەی وانەیان تێدایە.

ب گۆتنا وەزیرێ پەروەردێ، ب ڕێیا وێ پڕۆگرامی زارۆکێن کوردێن دەرڤەیی وەلاتی ژی دشێن ب ساناهی وانەیێن خاندنێن کوردی بخینن.

وەزیرێ پەروەردێ زەلالکر ژی، " پێدڤیە ئەم ژی وەکی کوردستانێ مفایێ ژ پێلا تەکنەلۆژیایێ و دنیایا ئەلکترۆنی وەرگرین کو د جیهانێ دا ب ئاوایەکێ بەرچاڤ پشت پێدهێتە گرێدان".

س.ع