سەرنووچە:

وەزیرێ پلاندانانێ: دگەل دوو ڕێکخراوا لهەڤهاتن بۆ باشترکرنا کارەبێ هاتیەکرن

بۆ هاریکاریکرنا وەزارەتا کارەبێ
فۆتۆ: 
2019-11-18

188 جار خوێندراوەتەوە

وەزیرێ پلاندانانا هەرێمێ ڕاگەهاند، دگەل دوو ڕێکخراوێن ناڤدەولەتی دا بۆ باشترکرنا ڕەوشا کارەبێ گرێبەست هاتیەکرن و دبیت چاکسازی د وی بیاڤی دا بهێتە کرن.

لگۆڕەی ڕاگەهاندنەکا وەزارەتا پلاندانانا هەرێمێ، ئەڤرۆ دووشەمبێ، دارا ڕەشید وەزیرێ پلاندانانا حکومەتا هەرێمێ، دجڤینێ دا دگەل پینک، چاڤدرێ شێورمەندێ کارەبێ، ب هەماهەنگیا وەزارەتا پلاندانان و هاریکاریا دارایی ڕێکخراوا USAID و ب سەرپەرشتیا ڕێکخراوا UNDP، گرێبەست دگەل هاتنە کرن بۆ هاریکاریکرنا وەزارەتا کارەبایا حکومەتا هەرێما کوردستانێ.

ئەو گرێبەستا وەزارەتا پلاندانانێ ژی دگەل هەر یەک ژ وان دوو رێکخراوان، دەربارەی ئەنجامدانا چەند چاکسازییان و نڤیسینا نوویە بۆ کارەبێ.

 د جڤینێ دا دەربارەی چەوانیا بڕێڤەچوونا کارێن پرۆژەیاسایا کارەبایا کوردستانێ، هەروەسا بژاردەیێن دووبارە داڕشتنا پێکهاتەیا وەزارەتا کارەبایێ، بڕیار ژی هاتیە دان لەز بهێتە کرن بۆ بەرهەڤکرنا ڕەشنوسا یاسایا کارەبایێ هەیا کو بشیینە جڤاتا وەزیرێن هەرێمێ هەیا کو گوتوبێژ لسەر بهێتە کرن.

ئەڤە ژی د دەمەکێ دایە،سالانە دگەل هاتنا وەرزێ زڤستانێ نزمبوونا پلەیێن گەرمێ، دابەشکرنا کارەبایا نیشتیمانی دهێتە کێمکرن و زێدەبارێ وێ یەکێ کو د ڤی وەرزی دا وەلاتیان پێدڤیەکا زۆر ب کارەبێ هەیە.

س.ع