سەرنووچە:

ئیران.. ب سەدەما خۆنیشاندانان ٩ کەس هاتنە کوشتن

ژ بەر گرانبوونا بەنزینێ
فۆتۆ: 
2019-11-16

244 جار خوێندراوەتەوە

مدیایان بەلاڤکر، د خۆنیشاندانێن ئەڤرۆ یێن ئیرانێ دا ٩ کەس هاتنە کوشتن و ب دەهان خۆنیشاندەر و هێزێن ئەولەهیێ ژی بریندار بوون.

بەحسا وێ یەکێ ژی هاتیە کر، د چەند باژاڕێن ئیرانێ دا خۆنیشاندەران جاددەیێن سەرەکی گرتن و هێزێن ئەولەهیێ ژی ب گازا ڕۆندک ڕێژ ڕووبڕیێ خۆنیشاندەران بوونە.

هەر لگۆڕەی میدیایان، ل باژاڕێن ئەحواز و شیراز دوو خۆنیشاندەر هاتنە کوشتن و هەژمارا کوشتیێن خۆنیشاندانێن ئەڤرۆ یێن ئیرانێ گەهشتیە ٩ کەسا.

هەڤدەم، ل پرانیا باژاڕێن ڕۆژهەلاتا ئیرانێ ب تایبەت ل سنە و مەریوان و سەقز و بانەو مھاباد ھێلێن ئینتەرنێتێ هاتنە ڕاگرتن.

ژ ئالیەکێ دی ڤە، دۆزگەرا گشتیا ئیرانێ ڕاگەهاند، بڕیارا بلند کرنا بهایێ بەنزینێ لگۆڕەی یاسا و خۆنیشاندانان و نەڕازیبوونان کو چەند باژاڕێن وەلاتی وی ڤەگرتنە پەیوەندی ب ئالیێن دەرەکی ڤە هەیە.

لگۆڕەی میدیایایێن ئیرانێ کو ل بەشەکا زۆرا باژاڕێن وی وەلاتی دژی گرانبوونا بهایێ بەنزینێ وەلاتیان ترۆمبێلێن خۆ ل سەر جادەەیێن سەرەکی ڕاگرتنە ب ڤێ یەکێ ژی هاتنوچون هاتنە ڕاگرتن.