سەرنووچە:

حکومەت دێ ١٥ ملیار دیناران بۆ پرۆژەیێن نەهاتینە تمامکرن تەرخان کەت

بۆ بۆدجەیا گەشەپێدانا پارێزگەهان
فۆتۆ: 
2019-11-12

290 جار خوێندراوەتەوە

حکومەتا هەرێما کوردستانێ بریارا خەرجکرنا ١٥ ملیار دیناران بۆ بۆدجەیا گەشەپێدانا پارێزگەهان و دەستپێکرنا پرۆژەیێن تمامنەکرى دا.

سەرۆکاتیا دیوانا حکومەتا هەرێما کوردستانێ نفیسەک ئاراستەى وەزارەتا دارایى و ئابوریێ کر و ئاماژە ب وێ یەکێ کر ، سەرۆکێ حکومەتا هەرێمی رازیبوون نیشاندایە ب خەرجکرنا ١٥ ملیار دیناران بۆ تەڤایا پرۆژەیێن وەزارەت و دام و دەزگەهێن حکومەتێ کو ب سەدەما قەیرانا دارایى هاتبوون راگرتن.

سەرۆکاتیا دیوانا حکومەتا هەرێما کوردستانێ راگەهاند ژى، ئەو کۆژمێ پارەى دێ هەر چار پارێزگەهێن هەرێم و ئیدارەیا راپەرین و گەرمیانێ ژى ڤەگریت.

هەڤدەم بریار هاتیە دان وەزارەتا دارایی یێ مەهانە کۆژمەکێ پارەى بۆ جێبەجێکرنا پرۆژەیان خەرج بکەت.

حکومەتا هەرێمێ ١٠ ملیار دینار لسەر پارێزگەهـ و ئیدارەیێن هەرێمی دا پارڤەکرنە ب فى ئاوایى:

پارێزگەها هەولێر: پێنج ملیار و ١٠٠ ملیۆن دینار

پارێزگەها دهۆک: سێ ملیار و ٤٠٠ ملیۆن دینار

پارێزگەها هەلەبجە: ٤٥٠ ملیۆن دینار

پارێزگەها سلێمانی: سێ ملیار و ٩٠٠ ملیۆن دینار

ئیدارەیا راپەڕین: ملیارێک و ١٧٠ ملیۆن دینار

ئیدارەیا گەرمیان: ٩٠٠ ملیۆن دینار