سەرنووچە:

نەتەوەیێن هەڤگرتى: مورسى ب رازیبوونا دەولەتا میسرێ هاتە تیرۆرکرن

رەفتارەکا
فۆتۆ: 
2019-11-09

331 جار خوێندراوەتەوە

شەهرەزایێن هەفکاریا نەتەوەیێن هەڤگرتى د بەیاننامەکێ دا ئاشکرا کر ، مرنا موحەمەد مورسى سەرۆکێ بەریا نها یێ میسرێ د ناڤا هۆلا دادگەهێ دا کریارەکا تیرۆرکرنێ بوویە و رازیبوونا دەولەتا میسرێ لسەر بوویە.

لگۆر بەیاننامەکێ کو رۆژنامەیا سەباح یا تونسێ بەلاڤکریە، مورسى ل جهەکێ زێدە خراب و بێ چ خزمەتگوزاریەکێ زیندانى بوویە و رەفتارەکا " نەمرۆڤانە" دگەل هاتیە کرن ب جورەکێ رۆژانە دەما ٢٣ دەمژمێران د زیندانا تاکەکەسى دا ''ئینفرادى'' بوویە و هەیا کو رێ پێ نەهاتیە دان زیندانیێن دى ببینیت، هەموو جوورە چارەسەریەک لێ هاتبوو قەدەغەکرن د دەمەکێ دا کو نەخوشیا شەکرێ هەبوویە لێ رێ پێ نەهاتیە دان حەبێن شەکرێ پێ بهێن دان و لسەر ئەردى و بێ نڤین ژیان کریە.

ئەو بەیاننامەیە دبێژیت ژى ، بەریا نها چەندین جاران حکومەتا میسرێ ل رەوشا خراب یا مورسى ئاگەهدار کرینە کو ئەو زیندانى بەرەڤ مرنێ ڤە دچیت،  ئەگەر چارسەریا نۆژدارى نەوەگریت، لێ هاتیە پشتگوهخستن، ژبەر وێ یەکێ مرنا مورسى د ناڤا هۆلا دادگەهێ دا " تیرۆرکرنا زالمانەیە".

ڕۆژا ١٨ێ هەزیرانا ٢٠١٩، تەلەفزیۆنا فەرمى یا میسر بەلاڤکر، محەمەد مورسی سەرۆکێ بەریا نها یێ میسر، د دەما دادگەهکرنێ دا وەغەرا داویێ کر.