سەرنووچە:

فرانس پرێس: ئالیێن عێراقێ لسەر مانا عەبدولمەهدی لهەڤهاتن

فۆتۆ: 
2019-11-09

195 جار خوێندراوەتەوە

ئەڤرۆ ئالیێن عێراقێ ب سەرپرشتیا ئیرانێ لسەر مانا عادل عەبدولمەهدی سەرۆک وەزیرێن نها یێ عێراقێ لهەڤهاتن.

ئاژانسا فرانس پرێس بەلاڤکریە، ئالیێن دیارێن عێراقێ ب سەرپرشتیا قاسم سولەیمانی فەرماندێ ئارتێشا قودسا ئیرانێ بۆ مانا سەرۆک وەزیرێن نها یێ عێراقێ و دەست ژ کارنەکێشانا وى لهەڤهاتن.

ژێدەرەکێ ئاگەهدار د جڤینا ئالیێن عێراقى دا ب ئاژانسێ راگەهاندیە، " هەر یەک ژ قاسم سولەیمانی، موقتەدا سەدر و محەمەد ڕەزا سیستانی (کوڕێ عەلی سیستانی) جڤیانە و لسەر مانا عادل عەبدولمەهدى لهەڤهاتن".

ئاژانسێ ئاماژە ب وێ یەکێ ژى دا " ئەو ئالى بۆ هاریکاریکرنا حکومەتێ ل نەهێلانا خونیشاندانان لهەڤهاتنە".

زەلال ژى کر، " ئەو ئالوزیێن ئەڤرۆ د خونیشاندانێن بەغدایێ دا هەبوون ، ئەنجامێن وێ جڤین و لهەڤهاتنێ بوویە".