سەرنووچە:

چاوش ئۆغلۆ: ئەم ژ سزایێن ئەمریکایێ ناترسین

فۆتۆ: 
2019-11-09

294 جار خوێندراوەتەوە

 وەزیرێ دەرڤەیێ تورکیایێ راگەهاند، ئەو ژ سزایێن ئەمریکایێ ناترسن.

مەولود چاوش ئۆغلۆ وەزیرێ دەرڤەیێ تورکیایێ ئەڤرۆ ٩ێ مژدارا ٢٠١٩ێ د چارەمین جڤینا رێکخراوا هاریکاریا ئابورى ل ئیتالیا راگەهاند، "ئەم ژ سزایێن ئەمریکایێ ناترسن، و زەڤیێن نەفتا سوریا یێن خەلکێ سوریانە، نە ئەمریکایێ".

وەزیرێ دەرڤەیێ تورکیایێ دازانین ژى، "ئەمریکا راپورتەکێ دەربارەى کومکوژیەکێ بەرهەڤدکەت کو مە نەکریە و بەرۆڤاژى د ئاستێ تاوانێن گرۆپێن چەکدار دایە  و خۆ کوورە کریە".

زەلال ژى کر، "ئەمریکا زێدە ب ڤەکری پشتەڤانیا یەپەگێ و پەکەکێ دکەت، و ئەم ژى وێ رەت دکەین، ژبەر وێ یەکێ تورکیا بێدەنگ نابیت لسەر ڤێ یەکێ و سەرۆک ئەردۆغان ل ١٣ێ ڤێ مەهێ دەربارەى ڤێ یەکێ دێ گۆتۆبیژان دگەل سەرۆک ترەمپ کەت".

کوربەندا رێکخراوا هاریکار یا ابوری(ECO)، رێکخراوەکا نێڤدەولەتى یا ئابورى یە، ل سالا ١٩٨٥ بۆ یەکەمجار ل تەهران ژ ئالیێ بەرپرسێن ئیران و تورکیا و پاکستانێ ڤە هاتیە دامەزراندن.