سەرنووچە:

کۆمسیۆنا مافێ مرۆڤان یا عێراقێ: د خۆنیشاندانان دا زێدەتر ژ ٣٠٠ کەسان هاتنە کوشتن

١٥ هزار کەس بریندار بوونە
فۆتۆ: 
2019-11-09

132 جار خوێندراوەتەوە

کۆمسیۆنا مافێ مرۆڤان یا عێراقێ داوى ئامارا کوشتى و بریندارێن خونیشاندانان بەلاڤکر و راگەهاند، کو زێدەتر ژ ٣٠٠ کەسان هاتنە کوشتن و ١٥ هزار کەس ژى بریندار بوونە.

عەلى ئەکرەم پەیڤدارێ کۆمسیۆنا مافێ مرۆڤان یا عێراقێ راگەهاند، داوى ئامارا کوشتیان گەهشتیە ٣٠١ کەسان ، ب وان دوو کەسێن دوهى ڤە یێن ئەینیێ ، ل باژارێ بەسرا د رووبرووبوونا هێزێن ئەولەهیێ دا هاتنە کوشتن.

بەحسا وێ یەکێ ژى کریە، د خونیشاندانێن رۆژا ئەینى یا بەسرا دا ١٠٠ کەس بە گولـلەیێن گازا رۆندکرێژ یێن هێزێن ئەولەهیێ هاتە بریندار کرن.

ل دەستپێکا مەها دەربازبوویى ل دژى گەندەلیێ و نەبوونا دەرفەتا کار خونیشاندانێن بەرفەرهـ ل باژارێن عێراقێ دەستپێکر و پشترا داخوازیێن خونیشاندەران بۆ دەست ژ کارکێشانا هەرسێ سەروکاتیان هاتن گوهەرتن.