سەرنووچە:

عابدولمەهدی: ئەوکەسێن کارێ تێکدەرانە دکەن دهێنە سزادان

گەفێن زیندانیکرنا هەتاهەتایی دکەت
فۆتۆ: 
2019-11-09

58 جار خوێندراوەتەوە

سەرۆک وەزیرێن عێراقێ ڕاگەهاند، ئەوکەسێن د خۆنیشاندانان دا کارێن تێکدەرانە دکەن د ێ ب سزایێن دژوار کو چێدبیت زیندانیکرنا هەتاهەتایی بیت دهێنە سزادان.

تەلەفزیۆنا ئەلعێراقیە کو زمانحالێ حکومەتا عێراقێ یە، بەیاننامەیاکا نڤیسینگەها عادلعەبدولمەهدی سەرۆک وەزیرێن عێراقێ بەلاڤکر، کو تێدا گەفێن زیندانیکرنا هەتاهەتایی ل وان کەسان دکەت کو بەیاننامەیێ ناڤێ وان ب تێکدەر ئینایە.

د بەیاننامەیێ دا هاتیە، " دگەل برێڤەچوونا خۆنیشاندانانا دا چەند کریاریێن تیرۆرستی و تاوانکاری بۆ شکاندنا سەروەریا دەولەتێ و ب ئارمانجگرتنا ئەولەهی و ئاسایشا نیشتیمانی ب ئاشکرا هاتیە ئەنجامدان".

بەحسا وێ یەکێ ژی هاتیە کرن، ئەو کریارێن تاوانکاریێ ناچنە چارچۆڤەیێ خۆنیشاندانان وەک سیامایەکا دیمکراسی و سڤیل و سەردەمیانە، ژ بەر وێ یەکێ دبیت ئەوکەس ب توندی بهێنە سزادان و چێدبیت سزایا وان بگەهیتە سزایا هەتاهەتای".

بەیاننامەیەکا هۆشداریێ ب وەلاتیان ڕا هاتیە داین کو پێگری ڕێنمایێن هێزێن ئەولەهیێ بن، ژ بەر کو بنپێکرنا ڕێنمایێن وەک قەدەغەیا هاتنوچونێ سزایا وێ زیندانی کرنە.