سەرنووچە:

بەردەرەش.. ب سەدەما بوویەرەکا هاتنوچونێ چار کەسا ژیانا خۆ ژ دەست دا

سێ کەسێن دی ژی بریندارن
فۆتۆ: 
2019-11-08

879 جار خوێندراوەتەوە

دیجیتال میدیایا ئێن ئاڕ تی، بەردەڕەش، شکێران زێباری

لسەر ڕێیا بەردەڕەش بۆ حسێنیێ ب سەدەما بوویەرەکا هاتنوچونێ چار کەسا ژیانا خۆ ژ دەست دایە و دوو کەسێن دی ژی بریندار بوون.

 حازم گۆران، بەرپرسێ راگەهاندنا هاتنوچۆنا بەردەرەش بۆ دیجیتال میدایایا ئێن ئاڕ تی ڕاگەهاند، ل نێزیک دەمژمێر ١١ێ ب سەدەما بوویەرەکا هاتنوچونێ لسەر ڕێیا بەردەڕەش بۆ پرا حسێنیێ چار کەسا ژیانا خۆ ژ دەست دایە و دوو کەسێن دی برینداربوونە.

دیارکر ژی،  ترۆمبلێ شەش کەس تێدابوونە و ب سەدەما لەزاتیێ کۆنترۆلا خۆ ژ دەستایە و خۆ کێشایە ب شوستەیێن جاددێ.

بەحسا وێ یەکێ ژی کر، د نها دا بریندارەک ب سەدەما دژواریا بریناوی بۆ نەخۆشخانەیا دهۆکێ هاتیە ڤەگوهاستن دوو یێن دی ژی بۆ نەخۆشخانەیا ئاکرێ هاتنە ڤەگوهاستن.

ئەڤە ژی دەمەکێ دایە، لگۆری ئامارێن هاتنوچوونا دهۆکێ د حەفت مەهێن دەستپێکا ئەڤ سالە دا ل سنورێ پارێزگەها دهۆکێ ٥٩٤ بوویەرێن هاتنووچوونێ ڕوودانە، ب وێ سەدەمێ ژی ٥٦ کەسان جانێ خۆ ژ دەستدانە و ٦٠٨ کەس ژی برینداربوونە.