سەرنووچە:

ل هەولێرێ کەسەک هاتە کوشتن و دوو کەسێن دی ژی بریندار بوون

لسەر ئاریشەیەکا جڤاکی
فۆتۆ: 
2019-11-08

453 جار خوێندراوەتەوە

دیجیتال میدیایا ئێن ئاڕ تى، هەولێر، ئومێد چۆمانى

پۆلیسێ هەولێرێ ڕاگەهاند، لسەر ئاریشەیەکا جڤاکی لسەر جاددەیا ٦٠مەتریا هەولێرێ كەسەك هاتە کوشتن و دوو كەسێن دی ژی برینداربوون.

هۆگۆ عەزیز پەیڤدارێ ڕێڤەبەراتیا پۆلیسێ هەولێرێ بۆ دیجیتال میدیایا ئێن ئاڕ تی ڕاگەهاند، درەنگێ شەڤا دەربازبوویی لسەر جاددەیا ٦٠مەتری و نێزیک فلکا شۆڕش-هەولێر دوو کەس ل وی جهی بشەڕ دهێن و کەسەک تەقەیێ دکەت و د ئەنجام دا کەسەکێ د کوژیت و دوو کەسێن دی ژی بریندار دکەت.

هۆگۆ عەزیز بەحسا وێ یەکێ ژی کر، پۆلیسان دەربارەی بوویەرێ ڤەکۆلین دەستپێکرنە و ناسناڤێ تەقەکەری ژی هاتیە ئاشکرا کرن لێ هەیا نها نەهاتیە دەستە سەرکرن.

لگۆڕەی ئامارا ڕێڤەبەرایەتیێن پۆلیسان ل پارێزگەهێن هەرێما کوردستانێ، ئامارێن کوشتن و خۆکوشتنێ ل هەرێمێ بەرب زێدەبوونێ ڤە دچیت.