سەرنووچە:

بەغدا.. د خونیشاندانێن ئەڤرۆ دا چار کەس هاتن کوشتن

٣٥کەس ژى برینداربوون
فۆتۆ: 
2019-11-07

175 جار خوێندراوەتەوە

د خونیشاندانێن ئەڤرۆ یێن بەغدا دا چار خونیشاندەر ب گولـلەیێن هێزێن ئەولەهیێ هاتن کوشتن و زێدەتر ژ ٣٥ێن دى ژى برینداربوون.

نووچەگەهانێ دیجیتال میدیایا ئێن ئار تى راگەهاند، ئەڤرۆ پێنجشەمبیێ ل باژارێن ناڤەراست و باشورێ عێراقێ خونیشاندان بەردەوامبوون و ب تایبەتى پشتى نیڤرۆ توندۆتیژیا زێدەتر بخۆڤەدیت.

بەحسا وێ یەکێ ژى کر، ل ناڤەراستا باژارێ بەغدا و لسەر پرا کورماریە و جاددەیا رەشید، هێزێن ئەولەهیێ بۆ بەلاڤکرنا خونیشاندەران تەقە ل خونیشاندەران کر و ب وێ سەدەمێ چار خونیشاندەر هاتن کوشتن و زێدەتر ژ ٣٥ێن دى ژى برینداربوون.

هەروەسا گوت ژى ، زێدەبوونا توندوتیژیێ پشتى چەند دەمژمێران ل بریارا عادل عەبدولمەهدى ، فەرماندێ گشتى یێ هێزێن چەکدار هات  کو فەرمان ل هێزێن ئەولەهیێ کریە یاسایێ بچەسپینن و ئەوێن وەک خۆ بناڤکرین "تێکدەر" دەستەسەربکەن.

ئاماژە ژى کر، ئەڤرۆ ل پرانیا فەرمانگەهێن بەشێن رەسافە یا باژارێ بەغدا دەوام هات راگرتن ، لێ ل بەشێ کەرخ پرانیا فەرمانگەهان دەوام ئاسایى هات کرن.