سەرنووچە:

پۆتین: پێدڤیە گوتوبێژ د ناڤبەرا حکومەتا سوریا و کوردان دا بهێتە بهێزکرن

فۆتۆ: 
2019-10-22

271 جار خوێندراوەتەوە

ڤلادیمیر پۆتین ڕاگەهاند، پێدڤیە گوتوبێژ د ناڤبەرا حکومەتا سوریا و کوردان بهێتە بهێزکرن.

ڤلادیمێر پۆتین سەرۆکێ ڕوسیا پشتی جڤینێ دگەل ئەردۆغانی ڕاگەهاند، " پێدڤیە گوتوبێزێن ناڤبەرا حکومەتا سوریا و کوردان بهێتە بهێزکرن، و دڤێت یەک لەشکەرێ بیانی دناڤ ئاخا سوریا دا نەمینیت".

بەحسا وێ یەکێ ژی کر، پێدڤیە ڕێگری ل تیرۆرستان بهێتەگرتن ب تایبەت د ڕەوشا نها یا سوریا.

دیارکر ژی، دگەل تورکیا ژی لهەڤهاتنە هەیا کومامەلە ب پارەیێ نیشتیمانیێ هەردوو ولاتا دا بهێتە کرن.

هەڤدەم سەرۆک کۆمارێ تورکیا ژی ژ ئالیێ خۆ ڤە بەحسا وێ یەکێ کر، " چاڤێ مە ل ئاخا سوریا نیە و ئارمانجا ئۆپراسیۆنێن مەژی بۆ ئەولەهیا وەلاتێ مەیە".

ئەردۆغانی بەحسا وێ یەکێ ژی کر، " ئەم دێ دەستپێکێ ل دەڤەرا ئارام یەک ملیۆن ئاوارەیان بنەجهکەین".

هەڤدەم سێرگی لاڤرۆڤ وەزیرێ دەرڤەیێ ڕوسیا ژی ڕاگەهاند، " میکانیزما هەڤبەش بۆ لهەڤهاتنا ڕوسیا و تورکیا ل باکورێ سوریا دهێتە دانان و چەند یەکەیێن لەشەکری دێ چنە باکورێ سوریا بۆ پشڕاستبوون ژ ڤەکشیانا هێزێن کوردی و تورکیا ژی سۆزدایە بەڕەڤانیێ ژ ڕەوشا نها یا سوریا بکەت و گرنگترین کار ژی بەڕەڤانی کرنە ژ لهەڤهاتنا ئەدەنە.