سەرنووچە:

عێراق.. ئامارا کوشتیێن د خونیشاندانان دا هاتە ئاشکراکرن

١٥٧ کەس هاتنە کوشتن
فۆتۆ: 
2019-10-22

266 جار خوێندراوەتەوە

لیژنەیا ئەرکدار بۆ ڤەکۆلینێ ژ هژمارا کوشتیان و بریندارێن خونیشاندانێن عێراقێ راگەهاند، هەیا نها ١٥٧ کەس ل رۆژێن خونیشاندانان هاتنە کوشتن.

ئەڤرۆ شەمبیێ ٢٢ێ جۆتمەهێ لیژنەیا ئەرکدار بۆ ڤەکۆلینێ د خونیشاندانان دا، د راپۆرتەکێ دا ئامارا کوشتیان راگەهاند، کو ١٥٧ کەس ب دەستێن هێزێن ئەولەکاریێ هاتنە کوشتن ، کو هەژمارەکا زێدە کەسێن سڤیل بوونە.

د ئامارێ دا هاتیە، ژ کۆما وان ١٥٧ کەسان ١٤٩ کەس سڤیلن و ٨ کەس سەر ب هێزێن ئاسایشا عێراقێ نە.

د ئامارێ دا دەربارێ هەژمارا برینداران بەحسا وێ یەکێ دکەت کو سێ هزار و ٤٥٨ کەس برینداربوونە.

هەروەسا د راپۆرتا لیژنەیێ دا هاتیە کو "نیشانشکێنەکێ" ل سەر ئاڤاهیەکێ ناڤەراستا بەغدا تەقە ل خونیشاندەران کریە، بەحسا وێ یەکێ ژى دکەت %٧٠ێ راستەۆخو تەقە ل "سەر و سینگ" یێن خۆنیشاندەران هاتینە کرن.

ئەو یەک ژى دیار کریە، لیژنەیێ رەشنڤیسا خۆ خستیە بەر دەستێ عادل عەبدولمەهدی سەرۆک وەزیرێن عێراقێ ژ بۆ کو پەسند بکەت.

هەڤدەم لیژنەیێ بریارا تومەتبارکرنا ١٩ فەرماندەیێن هێزێن ئەولەهیێ دایە کو هاتینە تومەتبارکرن ب دەرکرنا فەرمانا تەقەکرنێ ل خۆنیشاندەران.