سەرنووچە:

سەرۆکێ رۆسیا بۆ ئەردۆغان: رەوشا سوریا یا هەستیارە و گۆتوبێژێن ناڤبەرا مە دێ هەڤکاریا چارەسەرکرنێ کەت

فۆتۆ: 
2019-10-22

428 جار خوێندراوەتەوە

سەرۆکێ رۆسیا د دەما دیدارەکێ دا دگەل سەرۆک کۆمارێ تورکیا راگەهاند، رەوشا سوریا یا هەستیارە و گۆتوبێژێن ناڤبەرا مۆسکۆ و ئەنقەرێ ژى دێ هەڤکاریا چارەسەرکرنا رەوشا وى وەلاتى دەت.

ڤلادمیر پۆتن ل چارچوڤەیا کوپیتکا سوچى بەحسا وێ یەکێ کر، ل نێزیک ڤە ئاگەهدارى رەوشا نها نە و جڤینا ئەڤرۆ پێتڤیەکە لسەر وێ رەوشێ و هەڤدیتنان گرنگیەکا زێدە هەیە.

سەرۆکێ رۆسیا ئاماژە ژى کر، ئاستێ بلند یێ پەیوەندیێن دگەل تورکیا دێ باندۆرەکا ئەرێنى هەبیت لسەر چارەسەرکرنا پرانیا مژارێن دەڤەرێ و هەردوو ئالى دکارن رێکە چارەیەکا گونجاى بۆ پرسێن جوودا ببینن.

ژ ئالیێ خۆ ڤە رەجەب تەیب ئەردۆغان سەرۆک کۆمارێ تورکیا راگەهاند، ئەڤ جڤیت دکاریت خزمەتا بەرژەوەندیا هەردوو ئالیان بکەت.

هەروەسا گوت، هەڤدیتنا وان دەرفەتەکە ژ بۆ کو ب هوورى لسەر تەڤایا مژاران بئاخڤن و بزاڤێن خۆ بۆ بلەزکرنا پرۆسەیا ئاشتیێ ل سوریا چرتر بکەن.