سەرنووچە:

وەزیرێ نافخۆ: پێنج هزار ئاوارەیێن رۆژئاڤا دەربازى هەرێمێ بوونە

فۆتۆ: 
2019-10-22

231 جار خوێندراوەتەوە

وەزیرێ نافخۆیێ حکومەتا هەرێما کوردستانێ راگەهاند، هەیا نها پێنج هزار ئاوارەیێن رۆژئاڤایێ کوردستانێ دەربازى هەرێما کوردستانێ بوونە.

رێبەر ئەحمەد هەروەسا گوت، وەزارەتێن پەیوەندیدار ژ ئالیێ سەرۆکێ حکومەتا هەرێمێ ڤە هاتیە ئەرکدارکرن ژ بۆ کو ب باشترین ئاوا پێشوازیێ ل ئاوارەیان بکەن.

ئاماژە ژى کر، ئاریشە بۆ ئاوارەیان ل رەخێ دى یێ سنورى دروست دبیت و هندەک ژ وان راگەهاندیە کو ب رێکا قاچاغ و ب پێدانا کۆژمەکێ پارەى خۆ گەهاندیە هەرێما کوردستانێ .

ئەو یەک ژى راگەهاند، سنور ل هەرێما کوردستانێ هاتیە ڤەکرن وەک جاران هاریکاریێن مرۆڤى دهێنە شاندن لێ ل رەخێ دى رێک ب ئاوارەیان ناهێت دان ب ئاوایەکێ ئاسایى دەربازبن.

ل رۆژا نەهێ جۆتمەهێ تورکیا و گرۆپێن سوری یێن هەڤپەیمانێن وێ هێرشەکا بەرفرەهـ بۆ سەر باکورێ سوریا دەستپێکر و ب وێ سەدەمێ هەژمارەیەکا زێدە یا خەلکێ رۆژئاڤایێ کوردستانێ ئاوارەبوون.