سەرنووچە:

سەرۆکاتیا تورکیا: دێ ئۆپەراسیۆنێ ب تەمامی ڕاگرین

فۆتۆ: 
2019-10-22

1372 جار خوێندراوەتەوە

پەیڤدارێ سەرۆکاتیا تورکیا ڕاگەهاند، دێ ئۆپەراسیۆنا لەشکەری ب تەمامی ڕاگرن ئەگەر هێزێن کوردی بتەمامی ل دەڤەرا ئارام ڤەکشیابن.

ئیبراهیم کالن د داخویانیەکێ دا بۆ ڕۆژنامەیا دۆیچە ڤێلە یا ئەلمانی ڕاگەهاند، قۆناغا یەکێ یا لهەڤهاتنا ئەمریکا و ولاتێ وان لسەر ئاگربەست، ڕاگرتنا ئۆپەراسیۆنا لەشکەریا تورکیایە ل باکورێ ڕۆژهەلاتا سوریا و د قۆناغا دوویێ ژی دا ڤەکشیانا هێزێن کوردیە ل دەڤەرا ئارام.

بەحسا وێ یەکێ ژی کر، تنێ ل ڕۆژا ٢١ێ ڤێ مەهێ "هێزێن کوردی ٢٠ جاران ئاگربەست بنپێکرنە".

دیارکریە ژی، وان ڕێ ب هێزێن کوردی دایە ل دەڤەرێ ڤەکشن ب ڕێیا ٨٦ تڕۆمبێلان، چ بوویەرەک ژی د دەما ڤەکشیانێ دا ڕوونەدایە.

ڕۆژا ١٧ێ جۆتمەها ٢٠١٩ێ تورکیا و ئەمریکا لهەڤهاتن کو هەسەدە ب کووراتیا ٣٢ کیلۆمەتران د دەما ١٢٠ دەمژمێران دا دەڤەرا ئارام ڤالا بکەن.

س.م