سەرنووچە:

وێنە و ڤیدیۆ.. ل بەشەک ژ تاخ و جادەیێن سنورێ پارێزگەها دهۆکێ لەهی ڕابوون

ل ئاکرێ زەرەر ب هند دوکانان گەهشتیە
فۆتۆ: 
2019-10-21

524 جار خوێندراوەتەوە

ئەڤرۆ پێلەکا بارانبارینێ پرانیا باژار و باژارۆکێن هەرێما کوردستانێ ڤەگرت، ل سنورێ پارێزگەها دهۆکێ ل هند تاخ و جادەیان لەهی دروستبوو.

نووچەگەهانێ دیجیتال میدیایا ئێن ئاڕ تی ل دهۆکێ ڕاگەهاند، ئێڤاریا ئەڤرۆ وێ پێلا بهێزا بارانبارینێ سەنتەرێ باژاڕێ دهۆکێ ڤەگرتیە و هەیا نها ئاڤەکا گەلەک زێدە ل بەشەک ژ جادە و تاخان کۆم بوویە و ل هند جهان ئاستەنگیا هاتنوچوونێ دروستکریە و ئەگەرا دروستبوونا لەهیان هەیە.

دیارکر ژی، بارانبارینێ تەڤاهیا سنورێ پارێزگەها دهۆکێ ڤەگرتیە، ل بەشەک ژ قەزا و ناحیان لەهی ڕابوونە.

هەڤدەم نووچەگەهانێ دیجیتال میدیایا ئێن ئاڕ تی ل ئاکرێ دەربارەی وێ پێلا بارانبارینێ دازانین، ئێڤاریا ئەڤرۆ ژبەر بهێزیا بارانێ و ڕابوونا ئاڤێ زەرەر ب هند ژ دوکانێن بازارێ کەڤنێ ئاکرێ کەفتنە و ئاڤێ بەشەک ژ کەلوپەلێن دوکانان دگەل خۆ برینە.

ئەڤە ژی دەمەکێ دایە، پێشتر سەقاناسیا هەرێمێ هۆشداری لسەر ڤێ پێلا بارانبارینێ دابوو، ڕاگەهندبوو ل هند دەڤەران ژبەر بهێزیا بارانێ ئەگەرێ دروستبوونا لەهیان هەیە.

س.م