سەرنووچە:

وەزارەتا پەیوەندیێن عێراقێ ڕەتکر هێلێن ئینتەرنێتێ بهێنە ڕاگرتن

فۆتۆ: 
2019-10-21

249 جار خوێندراوەتەوە

وەزارەتا پەیوەندیێن عێراقێ ڕەتکر هێل و پەیوەندیێن ئینتەرنێتێ د ڕۆژێن ئەینی و شەمبیا داهاتی دا بهێنە ڕاگرتن.

خەیری محەمەد ڕێڤەبەرێ فەرمانگەها ڕاگەهاندن ل وەزارەتا پەیوەندیان د داخویانیەکێ دا بۆ دیجیتال میدیایا ئێن ئاڕ تی ڕاگەهاند، ڕۆژێن ئەینی و شەمبیا داهاتی هێلێن ئینتەرنێتێ ناهێنە ڕاگرتن و ئەو نووچە دوورە ژ ڕاستیێ.

پێشتر نڤیسارەک هاتبوو بەلاڤکرن کو ژ ئالیێ وەزارەتا پەیوەندیێن عێراقێ ڤە بۆ کۆمپانیێن دابینکەرێن هێلێن ئینتەرنێتێ هاتبوو شاندن، تێدا فەرمان ب ڕاگرتنا ئینتەرنێتێ د دەمێن خۆنیشاندانان دا هاتبووکرن.

دیاکربوو ژی، "داخواز ژ کۆمپانیایێن دابینکەرێن هێلێن ئینتەرنێت و هەر یەک ژ کۆمپانیایێن ئاسیاسێل، زەین و کۆڕەک دکەین هێلا ئینتەرنێتێ ل دەمژمێر ٦ێ سپێدەهیا رۆژا ئەینیێ ٢٥ێ جۆتمەها ٢٠١٩ێ هەیا کو دەمژمێر ١١ێ یا شەڤا ٢٦ێ جۆتمەها ٢٠١٩ێ هێلێن ئینتەرنێ تێ قوت بکەن".

هەر د فەرمانێ دا، وێ وەزارەتێ کۆمپانیێن دابینکرنا هێلێن ئینتەرنێتێ ئاراستە دکەت، ب وێ یەکێ کو بێژن ب سەدەما چێکرنەڤێ ئینتەرنێت هاتیە راوەستاندن.

لگۆر بەیاننامەیا دەستەیا سەرپەرشتیا عێراقێ بریارە ٢٥ێ ڤێ مەهێ خۆنیشاندان ل بەغدا و باژار و باژارۆکێن دى یێن عێراقێ دەستپێ بکەن.

س.م