سەرنووچە:

ئالیێن هەڤپەیمانیا کوردستانی پارڤەکرنا بەربژێران یەکئالی کر

فۆتۆ: 
2019-10-21

308 جار خوێندراوەتەوە

ئەندامەکێ مەکتەبا سیاسیا یەکێتی ڕاگەهاند، ئالیێن هەڤپەیمانیا کوردستانی جڤیان و پارڤەکرنا بەربژێران ژی یەکئالی کر.

پشتی جڤینا لیستا هەڤپەیمانیا کوردستانی ل سلێمانیێ، رزگار عەلی ئەندامێ مەکتەبا سیاسیا یەکێتی د کۆنفرانسەکا ڕۆژنامەڤانی دا ڕاگەهاند، تەڤایا ئالیێن پشکدار د هەڤپەیمانیا کوردستانی پەیماننامەیەک ئیمزارکریە کو د داهاتی دا چ ئالیەک ژ هەڤپەیمانیێ نەڤەکشیێت.

رزگار عەلی دیارکر ژی، هەڤپەیمانیا کوردستانی پرسا دانان و پارڤەکرنا بەبژێرێن ئالیان یەکئالی کریە، گۆت ژی، هەڤپەیمانیا کوردستانی چ پەیوەندی ب پرسا دانانا پارێزگارەکێ کورد بۆ کەرکوکێ نیە.

سەرۆکێ لیستا هەڤپەیمانیا کوردستانی دایەزانین ژی، هەیا نها ٣٠ پارتێن سیاسی و ئالییان پشکداریا هەڤپەیمانەتیێ کریە.

ئەڤرۆ نوونەرێن ئالیێن سیاسیێن هەرێما کوردستانێ ژ بلی ڤەلڤینا نەوەی نوێ ل بارگەهێ مەکتەبا سیاسی یا یەکێتیێ ل سلێمانیێ ب مەرەما یەکئالیکرنا ڕێزبەندا بەربژێرێن ئالیێن سیاسی بۆ هەلبژارتنا جڤاتا پارێزگەهان جڤیان.

وەسا بڕیارە مەها نیسانا سالا داهاتی هەلبژارتنا جڤاتا پارێزگەهان بڕێڤەبچیت و ئالیێن کوردی ژی ژ بلی ڤەلڤینا نەوەی نوێ د چارچۆڤەیێ یەکلیستیێ دا پشکداریێ د هەلبژارتنا جڤاتا پارێزگەهان ل دەڤەرێن ئاریشە لسەر لبن ناڤو نیشانێ هەڤپەیمانیا کوردستانی دکەن، کو  چەندین پارتێن کوردی و عەرەبی ل خۆدگریت و عەبدولڕەحمان مستەفا کو پارێزگارێ بەرێترێ کەرکوکێ بوویە سەرۆکایەتیا هەڤپەیمانەتیێ دکەت.

س.ع