سەرنووچە:

ئەردۆغان: ئەگەر هەسەدە نەڤەکشیت دێ ژ ئۆپراسیۆنێن خۆ بەردەوامبین

فۆتۆ: 
2019-10-21

370 جار خوێندراوەتەوە

ئەردۆغان راگەهاند، ئەگەر هێزێن هەسەدێ نەڤەکشن دێ ژ ئۆپراسیۆنێن خۆ بەردەوامبین.

 ئەڤرۆ ٢١ێ جۆتمەها ٢٠١٩ێ ڕەجەب تەیب ئەردۆغان سەرۆک کۆمارێ تورکیا، د کۆنفرانسەکێ دا راگەهاند، ئەگەر هێزێن هەسەدێ د دەما ٣٥ دەمژمێرێن داهاتى دا ل تەڤایا دەڤەرێن دیار کرى دا نڤەکشیت ، دێ ژ ئۆپراسیۆنان بەردەوام بین.

هەڤدەم راگەهاند ژى، " تورکیا جوودایە ژ وان یێن ب مەرەم چووینە سووریا، عێراق، ئەفغانستان، لیبیا، ئەفریقا و بەڵکان".

ناڤبرى گوت ژى، "ئەم ل سوریانە ژبەرکو مە دگەل دا یەک چارەنڤیسێ هەڤبەش هەیە".

ئەردۆغان گوت ژى، " ئەم دێ هەمبەر هەر گرۆپەکێ چەکدارى راوەستین کو گەف بیت بۆ سەر وەلاتێ مە".

ئەڤە ژى د دەمەکێ دایە  کو ئەردۆغان ل ٩ێ ڤێ مەهێ دا بریارا ئەنجامدانا هێرشا لەشکەرى بۆ سەر رۆژئاڤایێ کوردستانێ دا و هەیا نها ژى چەندین شەرڤانێن هەسەدێ شەهیدبوون و هزاران وەلاتیێن سڤیل هاتنە کوشتن و برینداربوونە و ب هزاران ژى ئاوارەبوون.