سەرنووچە:

فەرەنسا.. ٦٠ پەرلەمانتار داخوازا دەرخستنا تورکیا ژ ناتۆیێ دکەن

فۆتۆ: 
2019-10-20

306 جار خوێندراوەتەوە

٦٠ پەرلەمانتارێن فەرەنسا داخوازا سەپاندنا سزایان بسەر تورکیا دا دکەن و دبێژن، پێدڤیە ئەندامەتیا وی ولاتی د هەڤپەیمانیا باکورێ ئەتلەس (ناتۆ)یێ دا بهێتە هەلاویستن.

ژبەر هێرشێن تورکیا بۆ سەر باکوێ سوریا، پەرلەمانتارێن پەرلەمانێ فەرەنسا کو هەشت کوتلەیێن جودانە داخواز دکەن ڕێ ژ هێرشێن تورکیا بهێتە گرتن و بهێتە سزادان.

وان ئەندامێن پەرلەمانێ فەرەنسا کو هەژمارا وان ٦٠، داخوازکرنە ژی تورکیا ژ هەڤپەیمانیا باکورێ ئەتلەسی بهێتە دەرخستن، یان ژی ئەندامەتیا وێ بهێتە هەلاویستن.

ژ دەستپێکا هێرشا لەشکەریا تورکیا و گرۆپێن چەکدارێن هەڤالبەندێن وێ بۆ سەر ڕۆژئاڤایێ کوردستانێ، گڤاشتنێن ناڤدەولەتی ژی بۆ سەر وی ولاتی دەستپێکرنە، لێ هەیا نها ب ئاوایەکێ یەکجاری وان گڤاشتنان ڕێ ل هێرشێن ئەنقەرە نەگرتیە.

س.م