سەرنووچە:

یونسێف: ١٦ ملیۆن زارۆک ل ڕۆژهەلاتا ناڤەراست و باکورێ ئەفریقا بدەست نەبوونا خوارنێ دنالینن

فۆتۆ: 
2019-10-20

344 جار خوێندراوەتەوە

سازیا یونسێف ڕاگەهاند، زێدەتری ١٦ ملیۆن زارۆکێن تەمەن کێمتر ژ پێنج سالیێ ل ڕۆژهەلاتا ناڤەڕاست و باکورێ ئەفریقا بدەست خرابی و نەبوونا خوارنێ دنالین، پڕانیا وان زارۆکان ژی ل سوریا، یەمەن، لیبیا و سودانن.

د بەیاننامەکێ دا سازیا یونسێف یا تایبەت ب زارۆکان و سەر ب نەتەوەیێن هەڤگرتی، بەحسا خرابیا ژیانا زارۆکان دکەت ل ڕۆژهەلاتا ناڤەڕاستن و ب تایبەت زارۆکێن سوریا، یەمەن، سودان و لیبیا.

سازیێ شەڕ و هەڤڕکیێن دەڤەرێ شەرمزارکریە و دبێژیت، ژبەر شەڕ و هەڤڕکیان ژیانا زارۆکان هەیا دهێت بەر ب خرابوونێ دچیت و زێدەتری ١٦ ملیۆن زارۆک ل ڕۆژهەلاتا ناڤەڕاست و ئەفریقا خوارنا پێدڤی و ساخلەم بدەست ناکەڤیت، نێزیکی ١١ ملیۆن زارۆک ژی ل وان دەڤەران تووشی هشکبوونێ و شیانێن نەخوارنێ بوونە، هەروەسا زێدەتری ٧ ملیۆن زارۆک ژی ژبەر خرابیا جورێ خوارنان لەشێ وان وەک پێدڤی گەشە نەکریە و بوونە کورتەبالا.

د بەیاننامەیا یونسێف دا هاتیە، نێزیکی ٣ لسەر ٤ یا وان ژنێن سوری کو دوو گیان بوون، تووشی کێمخوینیێ بوونە و ڤێ یەکێ ژی وەسا کریە زارۆکێن کێمئەندام و نەتەندروست ببن.

س.م