سەرنووچە:

زێدەباری ئاگربەستێ شەڕ و پەڤچوون ل سەرێکانیێ بەردەوامن

رەوشا رۆژئاڤایێ کوردستانێ
فۆتۆ: 
2019-10-20

243 جار خوێندراوەتەوە

زێدەباری ڕاگەهاندنا ئاگربەستێ، شەڕ و پەڤچوون ناڤبەرا ئارتێشا تورکیا و هەسەدێ ل سەرێکانیێ یا ڕۆژئاڤایێ کوردستانێ بەردەوامن.

لگۆری نووچەیەکا ئاژانسا هاوار نیۆز، ئارتێشا تورکیا و گرۆپێن چەکدار زێدەباری ئاگربەستێ بەردەوامن لسەر هێرشێن خۆ و د وی کڤانی دا تورکیا هێزەکا زۆر و چەکێن گران بۆ سەرێکانیێ ڤەگوهاستنە.

دیارکریە ژی، گرۆپێن چەکدارێن گرێدایی تورکیا بزاڤا قوتکرنا ڕێیا نەخۆشخانەیا باژاری ددەن، ب مەرەما ڕێگریکرن ژ ڤەگوهاستنا برینداران بۆ دەرڤەیی سەرێکانیێ.

هەڤدەم ئەڤرۆ وەزارەتا بەڕەڤانیا تورکیا ڕاگەهاند، ژبەر تۆپبارانا هەسەدێ ل دەردورا گرێ سپی لەشکەرەک هاتیە کوشتن و یەکێ دی ژی برینداربوویە.

ژ ئالیێ خۆ ژی ڤە ، هەیڤا سور یا کوردی بەلاڤکر، پشتی سێ ڕۆژان ژ بزاڤان ئێڤاریا ئەڤرۆ شەمبیێ تیمێن وان کارینە دەربازی سەرێکانیێ ببن و ٣٠ بریندار و تەرمێ چار کەسان کو ژ ئەنجاما هێرشێن تورکیا شەهید و برینداربوونە بگەهینە نەخۆشخانەیا قامشلۆ.

س.م