سەرنووچە:

ئالدار خەلیل: چارەسەرا قەبولکری بۆ ڕۆژئاڤایێ کوردستانێ ڤەکشیانا ئارتێشا تورکیایە

فۆتۆ: 
2019-10-20

314 جار خوێندراوەتەوە

ئالدار خەلیل راگەهاند، چارەسەریا قەبولکری لدەف ئیدارەیا خۆسەر یا باکورێ سوریا، ڤەکشیانا ئارتێشا تورکیا و گرۆپێن چەکدارێن گرێدایی وێنە.

ئالدار خەلیل ئەندامێ تەڤدەمێ لسەر پەرەیێ خۆ د تۆرا جڤاکیا فەیسبوکێ دا ئەو یەک ژی دیارکر، د کڤانێ چارەسەرا قەبولکری دا پێدڤیە ل جهێ ئارتێشا تورکیا و گرۆپێن چەکدارێن گرێدایی وێ، هێزێن ئاشتیخواز یێن نەتەوەیێن هەڤگرتی بهێنە بەلاڤەکرن.

هەروەسا دایەزانین، وان لهەڤهاتنا ئاگربەستێ یا د ناڤبەرا واشنتۆن و ئەنقەرە دا پەسەند کر، هەیا کو پرسگرێک ب ئاشتیێ بێن چارەسەرکرن نەک ب شەڕ.

بەرپرسێ تەڤدەمێ تەکەزکریە ژی، کو ئەگەر هێزێن ئاشتیێ ل باکورێ سوریا نەیێن بجیکرن، ئانکو جیهان رازیە ئەردۆغان توانێن شەڕ و چینۆسایدان ل دەڤەرێ پێکبینیت.

زێدەباری بڕیارا ئاگربەستێ ب سەرپەرشتیا ئەمریکا د ناڤبەرا تورکیا و هەسەدێ دا، لێ هەسەدە تورکیا و گرۆپێن چەکدار تۆهمەتبار دکەت ب بەردەوامیدان ب هێرشان و دبێژیت، تورکیا پێگیری ئاگربەستێ نینە و ئەو ژی لسەر هێرشان بێدەنگ نامینن.

س.م