سەرنووچە:

لیژنەیا رۆشنبیری یا پارلەمانێ کوردستانێ راگەهاندنەک دەربارێ کوشتنا ئامانج بابانى بەلاڤکر

فۆتۆ: 
2019-10-17

1061 جار خوێندراوەتەوە

لیژنەیا رۆشەنبیرى و کۆمەلگەها مەدەنى و وەرزش و لاوان ل پارلەمانێ کوردستانێ راگەهاند، ئەڤ بوویەرە کارەساتەکا مەزن و بخەمە و زەرەرەکا مەزنە بۆ سەر کارێ میدیایایى ل هەرێما کوردستانێ.

ئاماژە ب وێ یەکێ ژى کر، ئەو ل لیژنەیا رۆشنبیرى و کۆمەلگەها مەدەنى و وەرزش و لاوان ل پارلەمانێ کوردستانێ، زێدەبارى کو پرسە و هەڤخەمیا خۆ بۆ مالباتێن وان و رۆژنامەفانێن کوردستانێ رادگەهینن، داخوازێ ژى ل دەزگەهێن ئاسایش و پۆلیسان دکەن ب پیشەیانە بەلگەیێن کارەساتێ بۆ رایا گشتى یا کوردستانێ زەلالبکەن و نابیت ئەڤ بوویەرە ب نەزەلالى بمینیت و لێکدانێن جوودا بۆ بهێن کرن.

ئەڤ د دەمەکێ دایە، دوهى ب شەڤ دەمژمێر ٩ و ٢٠ خولەک ئامانج بابانی پێشکەشکارێ دیارێ کەنالێ ئێن ئاڕ تی دگەل هەڤژین و زارۆکێ وی ل سلێمانیێ هاتنە تیرۆرکرن.