سەرنووچە:

قوباد تالەبانى داخوازیەکێ ژ شاندێ جڤاتا ئابورى یا ئەمریکا دکەت

فۆتۆ: 
2019-10-14

325 جار خوێندراوەتەوە

قوباد تالەبانى، داخوازێ ژ شاندێ جڤاتا ئابورى یا ئەمریکا کر، کو پەیام و دلگرانیێن گەلێ کورد بگەهیننە دونالد ترەمپ دەربارەى ڤەکێشانا هێزێن ئەمریکا ل رۆژئاڤایا کوردستانێ.

قوباد تالەبانى جێگرێ سەرۆکێ حکومەتا هەرێما کوردستانێ د کونفەرنسێ جڤاتا ئابورى یا ئەمریکا و هەرێما کوردستانێ دا دیار کر، هیڤیدارین شاندێ جڤاتا ئابورى یا ئەمریکا پەیام و دلگرانیێن گەلێ کورد بگەهیننە سەرکردێن سیاسی یێن ولاتێ خۆ، دەربارەى ڤەکێشانا هێزێن ئەمریکا ل رۆژئاڤایا کوردستانێ، کو بوویە سەدەمێ کوشتن و دەربەدەربوونا کوردێن رۆژئاڤا.

جێگرێ سەرۆکێ حکومەتا هەرێمێ دەربارەى رەوشا ئابورى یا هەرێما کوردستانێ ژى ئەو یەک ژى دیار کر، نابیت هەمى هێکێن حکومەتێ بێخنە د سەتلا نەفتێ دا.

راگەهاند ژى، هەرێما کوردستانێ زەڤیێن قەلەو یێن هەین و دەما وێ یەکی هاتیە کو گرنگیێ ب چاندن و پیشەسازیێ بدەن، ژبەر کو هەرێم یا زەنگینە ب کەرەستێن خاف.