سەرنووچە:

ئەدهەم بارزانى: پشکەکا زێدەیا ئاخا باشوری کوردستانێ هاتیە داگیرکرن، لێ ب ئاوایەکێ ئارامتر ژ ئەوا نها ل رۆژئاڤا هەی

فۆتۆ: 
2019-10-14

463 جار خوێندراوەتەوە

ئەدهەم بارزانى، سەرۆکێ بەرێ یێ جڤاتا سەرکرداتیا پارتى ل سلێمانى ـ هەلەبچە ڕاگەهاند، وەک کوردەکێ باشورێ کوردستانێ مەترسیا وێ یەکێ هەیە، ئەگەر تورکیا ئەوا نها ل رۆژئاڤایێ کوردستانێ دکەت بۆ بچیتە سەر و بنەجهبیت، وى دەمی دی بۆ هندەک جهێن دی ژى چیت.

بەحس ژى کر، د نها دا پشکەکا زێدەیا ئاخا باشوری کوردستانێ هاتیە داگیرکرن، لێ ب ئاوایەکێ ئارامتر ژ ئەوا نها ل رۆژئاڤایێ کوردستانێ هەی.

گوت ژى، هەر ل چیایێ شەکیف لسەر سنورێ رۆژهەلاتا کوردستانێ، هەیا دگەهیتە باتیفا یا گرێدای قەزا زاخۆ ل پارێزگەها دهۆکێ، هەمی ئەو دەڤەر د نها دا ژ ئالیێ تورکیایێ ڤە هاتنە داگیرکرن، لێ سەدایەکێ میدیایی یێ وەک نها هەی نەبوویە.

 ئەڤ گوتنین ئەدهەم بارزانى د دەمەکێ دانە، ژ ٩ێ جوتمەهێ هێرشێن ئارتێشا تورکیایێ بۆ سەر رۆژئاڤایێ کوردستانێ دەستپێکر و هەیا نها ژى بەردەوامە، کو کارڤەدان لسەر ئاستێ دەرڤە و نافخۆ لی کەتینە.