سەرنووچە:

ناڤەڕۆکا لهەڤهاتنا خۆسەریا ڕۆژئاڤا دگەل ڕوسیا و سوریا دا هاتە ئەشکەرا کرن

فۆتۆ: 
2019-10-14

1429 جار خوێندراوەتەوە

ڕێڤەبەریا خۆسەریا ڕۆژئاڤایا کوردستانێ ڕاگەهاند، دگەل ڕوسیا و سوریا لهەڤهاتنە بۆ کۆنترۆلکرنا عەفرینێ و تەڤایا باژاڕ و باژاڕۆکێن دی یێن سوریا کو بەریا نها ژ ئالیێ تورکیا ڤە هاتینە داگیرکرن.

بەحیا وێ یەکێ ژی کر، لگۆڕەی ناڤەڕۆکا لهەڤهاتنێ، ئارتێشا سوریا دێچیتە باژاڕێن منبج و کۆبانێ و تەڤایا سنورێن ڕۆژئاڤایێ کوردستانێ، هەیا کو دەڤەر و سنوررێن ڕۆژئاڤا ل هێرشێن تورکیا بپارێزن و دیاکر ژی، بەرهەڤن بۆ بەرسڤدانا هەر هێرشەکا تورکیا.

هەڤدەک دازانین ژی، بەلاڤکرنا لەشکەرێن سوریا لسەر سنوران بۆ پشتەڤانیکرنا هێزێن سوریا دیموکراتە هەیا کو بەرسڤا هەر هێرشکەکا تورکیا بدەن و هەروەسا وان دەڤەرین کو دبن کۆنترۆلا تورکیا چەکدارێن نیزیک ژ وێ دانە جارەکادی بهێنە ئازادکرن.

هەروەسا دلهەڤهاتنێ دا هاتیە، " حکومەتا سوریا دێ ئەرکێ پارستنا سنور و دەڤەر و باژاڕێن  کوردان ل ستویێ خۆ گریت و بەڕەڤانیێ ل سەروەریا سوریا دکەت".

هەڤدەم، دوهی مەزلوم کۆبانێ، فەرماندەیێ گشتیێ هێزێن سوریا دیموکرات ڕاگەهاند، " ئەگەر ئەمریکا بۆ ژ پاراستنا مە هاریکار نەبیت، هەسەدە و کورد دێ دگەل ڕوسیا و حکومەتا سوریا لهەڤهاتنێ کەن".

س.ع