سەرنووچە:

شێورمەندێ سەرۆک کۆمارێ تورکیا: ئەگەر ئارتێشا سوریا بخوازیت دوور نینە شەڕ ڕووبدەت

فۆتۆ: 
2019-10-14

574 جار خوێندراوەتەوە

شێورمەندێ سەرۆک کۆمارێ تورکیا ڕاگەهاند، ئەگەر ئارتێشا سوریا بزاڤا ڕووبرووبوونا هێزێن وان بدەت، چێدبیت د ناڤبەرا هەردوو هێزان دا شەڕ ڕووبدەت.

یاسین ئۆکتای شێورمەندێ ئەردۆغان، بۆ سایتێ فەرمی یێ سپۆتینگێ ڕوسی دیارکریە، ئەگەر ئارتێشا سوریا بخوازیت ڕووبرووی تورکیا ببن، وەک کو ل ڕۆژئاڤایی سوریا کرن، وی دەمی دوور نینە شەڕ ناڤبەرا هەردوو ئالیان دا رووبدەت.

ئەڤە ژی دەمەکێ دایە، پشتی بریارا ئەمریکا یا ڤەکشیانا هێزێن خۆ ئارتێشا تورکیا دەست ب هێرشا سەر ڕۆژئاڤایێ کوردستانێ کر و هەیا نها شەڕ و پەڤچوونێن دژوار رووددەن.

ئەڤرۆ ژی میدیایا فەرمیا حکومەتا سوریا ڕاگەهاند، هێزێن وان بۆ ڕووبڕووبوونا "داگیرکاریا تورکیا" بەر ب باکور ڕێکەفتنە و نووچەگەهانێ ئێن ئاڕ تی ژی ل ڕۆژئاڤایێ کوردستانێ دازانین، ئارتێشا حکومەتا سوریا گەهشتیە ناڤ باژێرێ منبجێ دا.

س.م