سەرنووچە:

ڕەوانگەها سوری: بالەفرێن هەڤپەیمانان کاروانەکێ ئارتێشا سوریا کرە ئارمانج

رەوشا رۆژئاڤایێ کوردستانێ
فۆتۆ: 
2019-10-13

384 جار خوێندراوەتەوە

ڕەوانگەها سوری بۆ مافێن مرۆڤان ڕاگەهاند، بالەفرێن هەڤپەیمانان کاروانەکێ لەشکەری یێ ئارتێشا سوریا ل ڕۆژئاڤایێ ڕەقا کرە ئارمانج.

دیارکریە ژی، کاروانێ لەشکەریێ ئارتێشا سوریا بەر ب باژارێن تەبقایێ ڤە دچوو و ژ ئالیێ بالەفرێن هەڤپەیمانان ڤە هاتیە بۆمبەبارانکرن.

بەحسا وێ یەکێ ژی کریە، هەڤپەیمانان هەسەدە ئاگەهدارکرنە کو دخوازن ژ بنگەهێن لەشکەریێن نێزیک منبجێ ڤەکشیێن.

ئەڤەژی دەمەکێ دایە، ژەر ئەڤ شەڤە میدیایا فەرمیا حکومەتا سوریا ڕاگەهاند، چەند یەکەیێن ئارتێشا سوریا بۆ ڕووبڕووبوون و ڕێگرتنا هێرشێن تورکیا بەر ب باکور بڕێکەفتینە.

ڕۆژئاڤایێ کوردستانێ نها دبن هێرشێن دژوارێن تورکیا و گرۆپێن چەکدارێن هەڤالبەندێن وێ دایە، د نها دا شەڕ و پەڤچوونێن گران ل چەندین دەڤەرێن هەڤ سنورێن دگەل تورکیا دا هەیە و بسەدەما هێرش و بۆمبەبارانێن تورکیا ب دەهان سڤیل شەهید و سەدانێن دی ژی برینداربوونە و ب هزارا وەلاتی ژی ئاوارەبوونە.

 س.م