سەرنووچە:

ڕۆیتەرز: دهێتە چاڤەڕێکرن د چەند ڕۆژێن داهاتی دا ئەمریکا هێزێن خۆ ل باکورێ سوریا ڤەکێشیت

رەوشا رۆژئاڤایێ کوردستانێ
فۆتۆ: 
2019-10-13

272 جار خوێندراوەتەوە

ئاژانسا نووچەیی یا ڕۆیتەرز ژ زارێ چەند بەرپرسێن ئەمریکی بەلاڤکر، دهێتە چاڤەڕێکرن د چەند ڕۆژێن داهاتی دا ئەمریکا هێزێن خۆ ل باکورێ سوریا ڤەکێشیت.

هەڤدەم پێنتاگۆنێ دازانین، دۆنالد ترەمپ فەرمانا ڤەکشیانێ بۆ هەموو هێزێن ئەمریکا ل سوریا دەرکریە، کو هەژمارا وان نێزیکی هزار لەشکەران دبن.

مارک ئێسپەر وەزیرێ بەرەڤانیا ئەمریکا ئاشکراکر، "بڕیارا ڤەکشیانا وان هزار لەشکەران پشتی وێ یەکی دهێت کو ئەمریکا زانیە دێ هەسەدە لهەڤهاتنێ دگەل ڕوسیا و سوریا کەت".

وەزیرێ نوویێ ئەمریکا کو تنێ دوو مەهن دەستبکاربوویە، گوت ژی، "ئەم ناخوازین بکەڤینە ناڤ ڕووبڕووبوونێن چەند هێزێن دژ یەک و دێ هەموو لەشکەرێن خۆ ڤەکێشین".

پێشتر، هەسەدێ دوو بژاردە دابوونە دەست ئەمریکا و پێ ڕاگەهاندبوو، یان دەڤەرا دژەفڕینێ یان دێ پەیوەندیێ دگەل ڕوسیا و حکومەتا سوریا گرێدەن، ئەمریکا ژی گوهـ ب داخوازیێن وان نەدا و د ئەنجام دا، هەسەدە دگەل ڕوسیا و سوریا لهەڤهات کو هێزێن سەر ب حکومەتا سوریایێ بهێنە دەڤەرێن باکور و ڕۆژهەلاتا سوریایێ.

ڕۆژا ٩ێ ڤێ مەهێ ئارتیشا تورکیا دەست ب هێرشێن سەر ڕۆژئاڤایێ کوردستانێ کر و هەیا نها ژی شەڕ و پەڤچوون بەردەوامن و ب سەدەما ئالۆزیان ب دەهان کەس شەهید و برینداربوونە، ب هزاران ژی وەلاتی ئاوارەبوونە.

س.م