سەرنووچە:

فرانس پرێس: ب لهەڤهاتنا دگەل کوردان سوریا دێ هێزێن خۆ ل سنورێن دگەل تورکیا بەلاڤ کەت

رەوشا رۆژئاڤایێ کوردستانێ
فۆتۆ: 
2019-10-13

522 جار خوێندراوەتەوە

ئاژانسا نووچەییا فرانس پرێس بەلاڤکر، ب لهەڤهاتنا دگەل کوردان حکومەتا سوریا دکاریت هێزێن خۆ ل دەڤەرێن سنوریێن دگەل تورکیا بەلاڤ کەت.

دەربارەی ڤێ یەکێ هەسەدێ دیارکریە، لهەڤهاتن دێ دەرفەتا ئازادکرنا دەڤەرێن بن دەستهەلاتا تورکیا ب وان دەت ب عەفرینێ ژی ڤە.

دایەزانین ژی، "دگەل حکومەتا دیمەشقێ لهەڤهاتنە ئارتێش ب درێژاهیا سنورێن دگەل تورکیا بهێتە بەلاڤکرن".

ئەڤە ژی دەمەکێ دایە، رەوانگەها سوری بۆ مافێن مرۆڤان ڕاگەهاند، پشتی لهەڤهاتنا هەسەدێ و ڕوسیا، هێزێن سەر ب حکومەتا سوریا دکارن بچنە ناڤ باژارێن کۆبانی و منبجێ.

ئەڤە ژی دەمەکێ دایە، بەریا دەمەکێ میدیایا فەرمی یا سوریا بەلاڤکر، ئارتێشا سوریا ب مەرەما ڕووبڕووبوونا هێرشێن تورکیا بەر ب باکور بڕێکەفتیە و بڕیارە ل کۆبانێ و منبجێ بجی ببن.

ڕۆژئاڤایێ کوردستانێ نها دبن هێرشێن دژوارێن تورکیا و گرۆپێن چەکدارێن هەڤالبەندێن وێ دایە، د نها دا شەڕ و پەڤچوونێن گران ل چەندین دەڤەرێن هەڤ سنورێن دگەل تورکیا دا هەیە و بسەدەما هێرش و بۆمبەبارانێن تورکیا ب دەهان سڤیل شەهید و سەدانێن دی ژی برینداربوونە و ب هزارا وەلاتی ژی ئاوارەبوونە.

س.م