سەرنووچە:

نووچەگەهانێ ئێن ئاڕ تی: هێزێن حکومەتا سوریا گەهشتنە منبجێ

هێرشا تورکیا بۆ سەر ڕۆژئاڤا
فۆتۆ: 
2019-10-13

156 جار خوێندراوەتەوە

نووچەگەهانێ ئێن ئاڕ تی ڕاگەهاند، ئارتێشا سوریا گەهشتیە باژارێ منبجێ و بڕیارە خالێن چاڤدێریێ بدانن.

هەڤدەم دیارکر ژی، پشتی کو ئەڤرۆ مەزلوم کۆبانێ، فەرماندارێ گشتیێ هێزێن سوریایا دیموکرات ب ئەمریکیان ڕاگەهاندیە، "ئەگەر ئەمریکا هەڤکار نەبیت ژ پاراستنا مە، وی دەمی دێ هەسەدە و کورد دگەل ڕوسیا و سوریا لهەڤهێن".

ئەڤە ژی پشتی وێ یەکێ هات، ئەمریکا گوهـ ب داخوازیا هەسەدێ نەدا، کو داخواز کربوو دەڤەرا دژەفڕینێ ل باکور و ڕۆژهەلاتا سوریایێ ڕابگەهینن، ژبەر بجینەئینانا داخوازیا وان هەسەدە کەفتنە گۆتۆبێژان دگەل ڕوسیا و سوریا و لهەڤهاتن، بەریا دەمەکێ ژی ئارتێشا سوریا گەهشتنە باژارێ منبجێ.

هەڤدەم بەریا دەمەکێ میدیایا فەرمیا حکومەتا سوریا ڕاگەهاند، چەند یەکەیێن ئارتێشا سوریا بۆ ڕووبڕووبوون و ڕێگرتنا هێرشێن تورکیا بەر ب باکور بڕێکەفتینە.

ڕۆژئاڤایێ کوردستانێ نها دبن هێرشێن دژوارێن تورکیا و گرۆپێن چەکدارێن هەڤالبەندێن وێ دایە، د نها دا شەڕ و پەڤچوونێن گران ل چەندین دەڤەرێن هەڤ سنورێن دگەل تورکیا دا هەیە و بسەدەما هێرش و بۆمبەبارانێن تورکیا ب دەهان سڤیل شەهید و سەدانێن دی ژی برینداربوونە و ب هزارا وەلاتی ژی ئاوارەبوونە.

 س.م