سەرنووچە:

وەزیرێ بەرەڤانیا ئەمریکا: دێ هزار لەشکەرێن خۆ ل سوریا ڤەکێشین

ل رۆژئاڤایا کوردستانێ
فۆتۆ: 
2019-10-13

203 جار خوێندراوەتەوە

وەزیرێ بەرەڤانیا ئەمریکا راگەهاند، دێ هزار لەشکەرێن خۆ ل سوریا ڤەکێشین.

مارک ئێسپەر وەزیرێ بەرەڤانیا ئەمریکا د داخویانیەکێ دا راگەهاند،"ئەمریکا بەرهەڤیان دکەت بۆ ڤەکێشانا هزار لەشکەرێن خۆ ل باکورێ سوریا".

هەروەسا وەزیرێ بەرەڤانیا ئەمریکا دا زانین ژى، " مە خۆ ئاسێ ماى دیت د ناڤبەرا دوو ئارتێشێن بشەر دا ل باکورێ سوریایێ".

دایە خویا کرن ژى،"ب بریارا دۆنالد ترەمپ هێزێن ئەمریکا ب سەلامەترین و بلەزترین رێک ب ڤان نێزیکان دێ سوریا بجهـ هێلن"

هەروەسا رۆانگەها سورى بۆ مافێ مرۆڤان راگەهاند، هەڤپەیمانیا ناڤدەولەتى بنگەهێن خۆ ل عەین عیسا ڤالاکرن.

ئەڤە د دەمەکێ دایە ، دەما پێنج رۆژانە ھێرشێن ئەردی و ئەسمانی بۆ سەر رۆژئاڤایێ کوردستانێ بەردەوامن و ھێزێن کوردی یێن رۆژئاڤا بەرەڤانیەکا دژوار دکەن و نێزیکی ٢٠٠ ھزار کەس ژی ب سەدەما تۆپبارانا ئاوارەبوونە.