سەرنووچە:

کوچکا سپی: پشتەڤانیا هێرشێن تورکیایێ ناکەین و هێرش ژى هزرەکا خرابە

فۆتۆ: 
2019-10-09

143 جار خوێندراوەتەوە

 کۆچکا سپێی دڕاگەهاندنەکێ دا بەلاڤکر، ئەمریکا پشتەڤانیا هێرشێن تورکیا ناکەت و هێرش ژی هزرەکا خرابە، ترەمپ ژی ڕاگەهاند،" ئەمریکا چاڤەڕێی وێ یەکێ ل تورکیا دکەت وەلاتیێن سڤیل بپارێزیت و ڕێگربیت لهەمبر کریزێن مرۆڤی.

ئەو یەک ژی ڕاگەهاند، کۆچکاسپی پشتەڤانیا هێرشێن تورکیا ناکەت و بەرەلابوونا چىکدارێن داعشێ ژی ل ستویێ تورکیایێ دایە.

هەروەسا،" پێدڤیە لسەر تورکیا ب سۆزێن خۆ پێگیر بیت بۆ پاراستنا کەمینەیان و وەلاتیێن سڤیل ل ڕۆژئاڤایێ کوردستانێ".

بەحسا وێ یەکێ ژی کر،" تورکیا د ناتۆیێ دا ئەندامە و ڕابوویە ب هێرشکرنە سەرسوریایێ و دیارکر، چ سەربازەکێ مە ل وان دەڤەرێن کۆ تورکیا هێرش کریە سەر لێ نینە".

ئەڤە ژی دەمەکێ دایە، ئێڤاریا ئەڤرۆ ڕەجەب تەیب ئەردۆغان سەرۆک کۆمارێ تورکیا دەستپێکرنا ئۆپراسیۆنا لەشکەرى ل باکورێ رۆژهەلاتا سوریا دبن ناڤی "کانیا ئاشتیێ" ڕاگەهاند.

پشتی راگەهاندنا دەستپێکرنا ئۆپەراسیۆنێ ژی، هەسەدێ ڕاگەهاند، بالافڕێن تورکیایێ دەست ب بۆمبەبارانکرنا دەڤەرێن سڤیلان کرنە ل ڕۆژئاڤایێ کوردستانێ، ترسەکا مەزن ژی لجەم خەلکێ دەڤەرێ چێبوویە،

هێزێن سوریایا دیموکراتیک گوت ژی، "مە شانیێن بەڕەڤانیکرن لهەمبەرێ هێرشێن ئارتێشا تورکیایێ هەنە و دەستکەفتێن خۆ ڕادەستی تورکیایێ ناکەین، داخوازێ ژی ژ ئەمریکا و هەڤپەیمانان دکەین دەڤەرا دژە فڕینێ ڕابگەهینن".

دەستپێکرنا ئۆپەراسیۆنێ تورکیا ل باکور و ڕۆژهەلاتا سوریایێ کارڤەدانێن مەزنێن جیهانی لدیف خۆ دا ئینان و ژ وان ژی یەکێتیا ئەوروپا ڕاگەهاند، "داخوازێ ژ تورکیایێ دکەین هێرشێن خۆ لسەر ڕۆژئاڤایێ کوردستانێ رابگریت".

هەروەسا هاوکو ماس وەزیرێ دەرڤەیێ ئەلمانیا دەستپێکرنا هێرشێن تورکیا بۆ سەر ڕۆژئاڤایێ کوردستانێ شەرمزارکر، فەرەنسا و بەریتانیایێ داخوازا جڤینا بلەز یا جڤاتا ئەولەهیێ دەربارەى دەستپێکرنا ئۆپەراسیۆنا تورکیا کر.

هەڤدەم، لیندز گراهام ئەندامێ جڤاتا پیرێن ئەمریکایێ دازانین، "ئیدارا ترەمپ بێ شەرمانە دەستبەرداری هەڤپەیمانێن مە یێن کورد بوو".

س.ع