سەرنووچە:

سوبەهی جڤاتا ئەولەهیا نێڤدەولەتى دێ جڤیت

فۆتۆ: 
2019-10-09

144 جار خوێندراوەتەوە

ژێدەرێن نووچەگەهانی بەلاڤکر، سوبەهی جڤاتا ئەولەهیا نێڤدەولەتى روونشتنەکا نەیاسایی دێ دەربارەى هێرشێن تورکیایی کەت.

ئەڤە ژی دەمەکێ دایە، ئێڤاریا ئەڤرۆ ڕەجەب تەیب ئەردۆغان سەرۆک کۆمارێ تورکیا دەستپێکرنا ئۆپراسیۆنا لەشکەرى ل باکورێ رۆژهەلاتا سوریا دبن ناڤی "کانیا ئاشتیێ" ڕاگەهاند.

پشتی راگەهاندنا دەستپێکرنا ئۆپەراسیۆنێ ژی، هەسەدێ ڕاگەهاند، بالافڕێن تورکیایێ دەست ب بۆمبەبارانکرنا دەڤەرێن سڤیلان کرنە ل ڕۆژئاڤایێ کوردستانێ، ترسەکا مەزن ژی لجەم خەلکێ دەڤەرێ چێبوویە،

هێزێن سوریایا دیموکراتیک گوت ژی، "مە شانیێن بەڕەڤانیکرن لهەمبەرێ هێرشێن ئارتێشا تورکیایێ هەنە و دەستکەفتێن خۆ ڕادەستی تورکیایێ ناکەین، داخوازێ ژی ژ ئەمریکا و هەڤپەیمانان دکەین دەڤەرا دژە فڕینێ ڕابگەهینن".

دەستپێکرنا ئۆپەراسیۆنێ تورکیا ل باکور و ڕۆژهەلاتا سوریایێ کارڤەدانێن مەزنێن جیهانی لدیف خۆ دا ئینان و ژ وان ژی یەکێتیا ئەوروپا ڕاگەهاند، "داخوازێ ژ تورکیایێ دکەین هێرشێن خۆ لسەر ڕۆژئاڤایێ کوردستانێ رابگریت".

هەروەسا هاوکو ماس وەزیرێ دەرڤەیێ ئەلمانیا دەستپێکرنا هێرشێن تورکیا بۆ سەر ڕۆژئاڤایێ کوردستانێ شەرمزارکر، فەرەنسا و بەریتانیایێ داخوازا جڤینا بلەز یا جڤاتا ئەولەهیێ دەربارەى دەستپێکرنا ئۆپەراسیۆنا تورکیا کر.

هەڤدەم، لیندز گراهام ئەندامێ جڤاتا پیرێن ئەمریکایێ دازانین، "ئیدارا ترەمپ بێ شەرمانە دەستبەرداری هەڤپەیمانێن مە یێن کورد بوو".