سەرنووچە:

دهۆک.. د بوویەرەکا هاتنوچوونێ دا ١٠ کەس برینداربوون

بوویەر ژ جورێ لێکدان بوویە
فۆتۆ: 
2019-10-09

931 جار خوێندراوەتەوە

لسەر جاددەیا سەرەکیا مانگێشک ـ باگێرا د بوویەرەکا هاتنوچوونێ دا ١٠ کەس برینداربوون.

ئازاد تاها پەیڤدارێ هاتنوچوونا دهۆکێ بۆ دیجیتال میدیایا ئێن ئار تى راگەهاند، ئەڤرۆ سپێدێ دەمژمێر ٧:٣٠ خولەک لسەر جاددەیا سەرەکیا ناحیا مانگێشکێ بۆ کۆمەلگەها باگێرا  د بوویەرەکا هاتنوچوونێ دا ١٠ کەس برینداربوون و زیانێن ماددى یێن زێدە ب ترۆمبێلان کەفت.

پەیڤدارێ هاتنوچوونا دهۆکێ دا زانین ژى، بوویەرێ ژ جوورێ لێکدان د ناڤبەرا ترومبێلەکا بارهلگر بیک اب تویوتا دگەل ترومبێلەکا بارهەلگر بیک اب دیر بوویە.

ئەو یەک ژى ئاشکرا کر، کەسێن کو د بوویەرێ دا برینداربوونە بۆ نەخوشخانەیا هەوارهاتنێ یا دهۆکێ هاتنە ڤەگوهاستن.

بوویەرێن هاتنوچوونێ ب یەکەم سەدەما جان ژ دەستدانا وەلاتیان د هەرێما کوردستانێ دا دهێتە دانان، لگۆری ئاماران ژی د ١٥ سالێن دەربازبوویی دا، ل هەرێما کوردستانێ زێدەتری ١٠ هزار کەسان جانێ خۆ ژ دەستدانە و زێدەتری ١٠٠ هزار کەسان ژی کێمئەندام و برینداربوونە.