سەرنووچە:

ئەڤرۆ یەکێتی و پارتی دجڤن

فۆتۆ: 
2019-09-23

255 جار خوێندراوەتەوە

بڕیارە ئەڤرۆ شاندەکا بلندا مەکتەبا سیاسیا پارتی و شاندەکا مەکتەبا سیاسیا یەکێتیێ ل هەولیرێ بجڤن.

چاڤکانیەکێ مەکتەبا سیاسیا پارتی بۆ ڕووپەلا فەرمیا حزبا خۆ ڕاگەهاند، بڕیارە پشتی نیڤرۆیا ئەڤرۆ شاندەکا مەکتەبا سیاسیا پارتی ل هەولێرێ سەردانا مەکتەبا سیاسیا یەکێتیا نیشتیمانیا کوردستانێ بکەن کو شاند پێکدهێت ل هەریەک ژ فازل میرانی سکرتێرێ مەکتەبا سیاسی و ئەندامێن مەکتەبا سیاسیی مەحموود محەمەد و هۆشیار زێباری پێشوازی لێ بهێتە کرن.

بەحسا وێ یەکێ ژی کر، جڤین درێژەیا جڤینێن بەرێ یێن وان دوو حزبانە، پرسێن کوردستان و دەڤەرێن کوردستانیێن دەرڤەیی هەرێم و پرسا چارەسەرکرنا ئاریشەیێن ناڤبەرا هەولێر و بەغدا گۆتۆبێژ دکەن.

ئەڤە ژی دەمەکێ دایە، د چەند ڕۆژێن دەربازبوویی دا ئالۆزی کەفتە پەیوەندیێن ناڤبەرا پارتی و یەکێتی ژبەر کو ل سلێمانیێ تەقە ل بارەگەهێن پارتی هاتە کرن و ل هەولێر ژی تەقە ل دوو کۆمیتەیێن یەکێتیێ هاتەکرن، پشترا بوو سەدەما پاشخستنا جڤینا ئالیێن سیاسی بۆ دەمەکێ نەدیار لسەر پرسا یەک لیستیێ بۆ هەلبژارتنێن جڤاتا پارێزگەهێن عێراقێ کو بڕیارە ل نیسانا سالا داهاتی بڕێڤەبچن.

س.م