سەرنووچە:

سەرۆکێ فراکسیونا نەوەى نوێ: حکومەتێ ١١٧ملیار دیناران ژ سندوقا هاریکاریێن پەنجەشێرێ ئیناینەدەر

فۆتۆ: 
2019-09-23

206 جار خوێندراوەتەوە

کازم فاروق سەرۆکێ فراکسیۆنا نەوەی نوێ ل پەرلەمانێ کوردستانێ راگەهاند، د دەما کرێزا دارایی دا حکومەتا هەرێمێ کوژمێ ١١٧ملیار دیناران ژ سندوقا هاریکاریێن پەنجەشێرێ ئیناینەدەر و بۆ بیاڤێن دى بکار ئیناینە.

کازم فاروق د کونفرەنسەکێ ڕۆژنامەڤانى دا دیار کر، ئینانەدەرا وى کوژمێ پارەى ژ سندوقێ، بوویە سەدەم کو ٢٠٠ جورێن دەرمانان ل نەخوشخانەیێن تایبەت ب پەنجەشێرێ ڤە نەمینن، ژبەر ڤێ چەندێ ژى نەخوش نەچار دبن کو دەرمانان ل دەرڤەى نەخوشخانان بکرن.

دازانین ژى، د دەما زێدەبوونا قەران دا لسەر وەزارەتا ساخلەمیێ پشکەک ژ کومپانیێن دەرمانان بریاردایە کو دەرمانان ب وێ وەزارەتێ نەدەن، ژبەر وێ چەندێ وەزارەتا ساخلەمیێ نەچاربوویە گرێبەستێ ژ کومپانیێن ژمارە دوو گرێبدەت، ئەڤە ژى ئەگەرێ کێمبوونا چارسەریا نەخوشانە.

کازم فاروق گوت ژى، پارێزگەها دهۆکێ پێدڤی ب سەنتەرەکێ چارەسەریا تایبەت ب پەنجەشێرێ هەیە، ب بهایێ ٥٠ ملیار دیناران پرۆژە بەرهەڤکریە، لێ حکومەتا هەرێمێ یا بەرهەڤ نینە پارێ خەرجکری یێ وێ سندوقێ ڤەگەرینیت هەیا بکارن وێ نەخوشخانەیێ درۆستبکەن.