سەرنووچە:

شێخان.. بسەدەما بوویەرەکا هاتنوچوونێ کەسەکێ جانێ خۆ ژدەست دا

فۆتۆ: 
2019-09-23

270 جار خوێندراوەتەوە

دیجیتال میدیایا ئێن ئاڕ تى، بێوار حلمی، دهۆک

ل سنورێ قەزایا شێخان بسەدەما وەرگەریانا ترۆمبێلەکا بارھەلگر کەسەکێ جانێ خۆ ژدەست دا.

ئازاد تاھا بەرپرسێ ڕاگەھاندنا ھاتنوچوونا دھۆکێ د لاپەرەیێ خۆ یێ تایبەت ل توورا جڤاکیا فەیسبوکی دا بەلاڤکر، ئەڤرۆ دەمژمێر ٧ێ سپێدێ رۆژا دووشەمبی ٢٣ێ ئەیلونا ٢٠١٩ێ ل نێزیکی گوندێ بێتنار و ل سنورێ قەزایا شێخان ترومبێلەکا بارھەلگر وەرگەریا و ب وێ سەدەمێ ژی شوفیرێ ترۆمبێلێ کو د تەمەنێ ٥٥ سالیێ دابوو جانێ خۆ ژدەست دا.

ئەڤە ژی دەمەکێ دایە، لگۆری ئامارێ ڕێڤەبەریا ھاتنوچوونا دھۆکێ د شەش مەھێن دەستپێکا ئەڤ سالە دا ل سنورێ پارێزگەھا دھوکێ ٤٢٧ بوویەرێن ھاتنوچوونێ روودانە، ب وێ سەدەمێ ژی ٤٥  کەسا جانێ خو ژ دەستدانە و ٥٠٢ کەسێن دی ژی برینداربووینە.

بوویەرێن ھاتنوچوونێ ب یەکەم سەدەما جان ژ دەستدانا وەلاتیان د ھەرێما کوردستانێ دا دھێتە دانان، لگۆری ئاماران ژی د ١٥ سالێن دەربازبوویی دا، ل ھەرێما کوردستانێ زێدەتری ١٠ ھزار کەسان جانێ خۆ ژ دەستدانە و زێدەتری ١٠٠ ھزار کەسان ژی کێمئەندام و برینداربوونە