سەرنووچە:

ئەو زەلامێ کو زارۆکا خۆ ئەشکەنجەدای بەریا دەستەسەرکرنێ زەلالکرنەک بەلاڤکر

فۆتۆ: 
2019-09-22

5173 جار خوێندراوەتەوە

ئەو زەلامێ کو زارۆکا خۆ ئەشکەنجەدای بەریا بهێتە دەستەسەرکرن زەلالکرنەک بەلاڤکریە و داخوازا لێبورینێ ل ڕایا گشتی و دۆزگەرێ گشتیێ سعودیێ کریە.

ڕۆژنامەیا سەبق دیارکریە، ئەو زەلامە بەریا بهێتە دەستەسەرکرن گرتەیا ڤیدیۆی بەلاڤکریە و گوتیە، "ئەو ڤیدیۆیا هاتیە بەلاڤکرن یا کەڤنە و ژبەر دلگرانیێ کو هەڤژینا من ئەز هێلابووم رەوشا منا دەرونی تێکچوو بوو".

د زەلالکرنێ دا گوتیە، "من خواستیە کچا من ڕابیتە سەر پیان و پێت خۆ بگریت و ب ڕێیا وێ ڤیدیۆیێ نیشانی هەڤژینا خۆ بدەم کو چاوا فێر بکەم خۆ لسەر پێت خۆ بگریت، هەڤژینا من دەما دوو حەفتیان بوو ژ مال چووبوو، ئەز چار زارۆکێن مە هێلابووین و نەزڤڕیبوو ".

دبێژیت ژی، زارۆکا وی کچە و نها تەمەنێ وێ بوویە سێ سال و سوپاسیا خودێ دکەت کو نها کچا وی پیان دچیت و د ڤیدیۆیا زەلالکرنا خۆ دا ژی کچا خۆ نیشان ددەت لسەر پیانە.

ئەڤرۆ یەکشەمبیێ بەرپرسێن ئاسایشا سعودیێ ڕاگەهاندن، ئەو زارۆکە دەستەسەرکرنە کو د گرتەیا ڤیدیۆیی دا زارۆکێ خۆ ئەشکەنجە ددەت.

س.م