سەرنووچە:

ئەو زەلامێ زارۆکا خۆ دقوتیت پشتی بەلاڤکرنا زەلالکرنەکێ هاتە دەستەسەرکرن

فۆتۆ: 
2019-09-22

2794 جار خوێندراوەتەوە

بەرپرسێن ئاسایشا سعودیێ ئاشکراکر، ئێڤاریا دوهی شەمبیێ ئەو زەلامە دەستەسەرکرنە کو د گرتەیەکا ڤیدیۆی دا دەردکەڤیت زارۆکا خۆ دقوتیت.

گرتە ڤیدیۆ بلەز د تۆڕێن جڤاکی دا بەلاڤبوویە و بوویە جهێ دلگرانیا بکارئینەران، تێدا زەلامەک دەردکەڤیت کو ژبۆ زارۆکا وی لسەر پیێت خۆ بگریت، دئێشینیت و ب گوهان بلندکەت و لێددەت.

د ڕۆژنامەیا سەبەق یا سعودی دا بەحسا وێ یەکێ هاتیە کرن، ئەو زەلام هاتیە دەستەسەرکرن و ئاسایشا ڕیازا سعودیێ ڤەکۆلین دگەل وی زەلامی دا دەستپێکرنە.

ئاشایشا وی ولاتی ئاشکرا کریە، "ئەو وەلاتیە فەلەستینیە و ئاکنجیێ ریازا پایتەختە، چار زارۆک هەنە و پشتی بەلاڤبوونا گرتەیا ڤیدیۆیی، ژ ئالیێ هێزێن ئەولەهیێ و پەیوەندیدار ڤە، دیڤداچوون بوو هاتیە کرن و دەستەسەرکریە".

دەربارەی وێ یەکێ ڕووپەلا سی ئێن ئێن نڤیسیە، زیاد بن سەعەد شەهر ڕوۆژنامەڤانی سعودی گرتەیا ڤیدیۆیا وێ زارۆکێ د تۆیتەری دا بەلاڤکریە و داخواز ژ بەرپرسێن سعودیێ کریە وی زەلامی سزابدەن، دگەل بەلاڤکرنا گرتە ڤیدیۆیێ نڤیسیە، "پێدڤیە ئەو ڤیدیۆ بهێتە بەلاڤکرن و ئالیێن پەیوەندیدار دیڤداچوونێ بۆ بکەن، ژبەر کو چەندین دایک و باب هیڤیا هەبوونا زارۆکان دخوازن، ئەو زەلامە ژی ب ڤی ڕەنگی زارۆکا خۆ دئێشینیت.

تویتا وی چەندین کارڤەدان دیڤ خۆ دا ئینانە و داخوازا سزادانا وی زەلامی کریە، دبن هاشتاگا "سزادانا زارۆکێ" ڤیدیۆ د تۆڕا جڤاکی دا بەلاڤبوویە.

ژ ئالیەکێ دی ڤە خالید ئەبو خەلیل پەیڤدارێ وەزارەتا کار و کاروبارێن جڤاکی ل سعودیێ دیارکر، ژێدەرێ ئاگەدارکرنا توندوتیژیێ کو بەشەکە ژ وەزارەتا وان دەست ب ڤەکولینێ کریە، بۆ ئاشکراکرنا ناسنامەیا وی زەلامی، شەڤا دوهی شەمبیێ هاتیە دەستەسەرکرن.

هەڤدەم دیجیتال میدیایا ئێن ئاڕ تی ژی ژبەر دیمەنێن نەگونجایی گرتەیا ڤیدیۆیێ بەلاڤ ناکەت.

س.م

Image result for ‫بعد الفيديو الصادم.. شرطة الرياض تعتقل "معذب الرضيعة"‬‎

Image result for ‫بعد الفيديو الصادم.. شرطة الرياض تعتقل "معذب الرضيعة"‬‎