سەرنووچە:

وەزیرێ نافخۆ: هەر کەس و ئالیەک ل پشت تەقەکرنا بارەگەهێن حزبان بیت دێ هێتە سزادان

فۆتۆ: 
2019-09-21

265 جار خوێندراوەتەوە

وەزیرێ نافخۆ یێ هەرێمێ راگەهاند، هەرکەس و ئالیەک ل پشت تەقەکرنا بارەگەهێن حزبان بیت دێ هێتە سزادان، ژبەر کو ئەو بەروڤاژى یاسایا حکومەتا هەرێمێ یە و دێ توهمەتباران دنە دادگەهێ.

رێبەر ئەحمەد وەزیرێ نافخۆ یێ هەرێمێ د کۆنفرانسەکا رۆژنامەڤانیێ دا دەربارێ بوویەرێن تەقەکرنێ ل بارەگەهێن حزبان راگەهاند، "هەر کەسەک بەروڤاژى یاسایێ لڤینێ بکەت و بێڕێزیێ هەمبەر بارەگەهان بکەت، ئەو بەرۆڤاژى سیاسەتا حکومەتا هەرێما کوردستانێ یە، ژبەر وێ یەکێ هەر کەس و ئالیەک لپشت بیت دڤێت لگۆر یاسایێ بهێتە چارەسەرکرن و توهمەتباران بدەنە دادگەهێ."

دەربارێ بوویەرا رێگرى کرنێ ژ  مەحمود سەنگاوی ئەندامێ مەکتەبا سیاسیا یەکێتی، وەزیرێ نافخۆ بەحسا وێ یەکێ کر ، "بوویەرێ چ دەست ل پشت نەبوونە و دێ هێتە چارەسەر کرن ، هەروەسا مە لهەڤتێگەهشتنەکا باش دگەل ئالیان هەیە".