سەرنووچە:

پەرلەمانێ عێراقێ لیژنەیەکا ڤەکۆلینێ لسەر نەفتا هەرێمێ پێکئینا

فۆتۆ: 
2019-09-21

236 جار خوێندراوەتەوە

لیژنەیا نەفت و غازێ ل پەرلەمانێ عێراقێ بڕیار دا لیژنەیەکێ بۆ ڤەکۆلین ژ ڕێژەیا هنارتنا نەفتا هەرێمێ پێکبهینیت، بڕیارە ژی پشتی دوو حەفتیا ئەو لیژنە ڕاپۆرتا خۆ ل وی بارەی بەرهەڤ بکەت.

غالب محەمەد پەڕلەمانتارێ گۆڕان ل پەلەمانێ عێراقێ بۆ دیجیتال میدیایا ئێن ئاڕ تی ڕاگەهاند، ب بڕیارا لیژنەیا نەفت و غازێ ل پەرلەمانێ عێراقێ، لیژنەیەکا ڤەکۆلینێ ل ئاستێ هنارتنا نەفتێ سەرەدانا هەرێمێ  و دەڤەرێن ئاریشە لسەر دکەت و دێ ڕاپۆرتەکێ ل وی بارەیی پێشکێشی پەرلەمانێ کەت.

بەحسا وێ یەکێ ژی کر، ئەولیژنە ل ٧ ئەندامان پێکهاتیە و دوو ئەندامێن کورد ژی تێدانە،  ئارمانجا لیژنەیێ ژی دەسکەفتنا ئامارەکێ یە کو بزانیت ڕێژەیا هنارتنا نەفتا هەرێمێ و کەرکوکێ و دەڤەرێن ئاریشە لسەر چەندە، ژ بەر کو د پرۆژە یاسایا ٢٠٢٠ێ دا مفا ژێ بهێتە وەرگرتن.

هەروەسا فەرمانگەها ڕاگەهاندنا پەرلەمانێ عێراقێ د ڕاگەهاندنەکێ دا ئاماژە ب وێ یەکێ کر، ئەڤرۆ شەمبیێ ٢١ێ ئیلۆنێ لیژنەیا نەفت و غازێ دەربارێ چەند دۆسیەیێن گرنگ تایبەت ب نەفت و غازێ جڤیان، بەحسا وێ یەکێ ژى هاتە کرن، " د جڤینێ دا بڕیار هاتیە دان لیژنەیا ڤەکۆلینێ لسەر پرسا هنارتنا نەفتێ سەرەدانا هەرێمێ بکەت".

بەحسا وێ یەکێ ژى کر، لیژنەیەک ژ حەفت ئەندامان پێک دهێت و بۆ دەما حەفتیەکێ ڕاپورتەکێ بۆ سەرۆکاتیا پارلەمانێ عێراقێ دێ بلند کەت.

نەزەلالى یا هنارتن و فرۆتنا نەفتا هەرێما کوردستانێ ل سالا ٢٠١٤ێ وەرە ژێدەرێ سەرەکى یێ ئالوزیێن ناڤبەرا هەولێر و بەغدایە ، ب وێ سەدەمێ ل سالا ٢٠١٤ێ حکومەتا عێراقێ ب هێجەتا رادەستنەکرنا داهاتێ نەفتێ و ناڤخۆ بودجەیا هەرێما کوردستانێ بڕى.

س.ع