سەرنووچە:

ل منبجێ مەزنترین شانەیا نڤستی یا داعشێ هاتە دەستەسەرکرن

ژ ١٨ کەسان پێکدهێت
فۆتۆ: 
2019-09-21

258 جار خوێندراوەتەوە

هێزێن ئاسایشا ناڤخۆیا منبجێ د ئۆپەراسیۆنەکێ دا مەزنترین شانەیا نڤستی یا داعشێ دەستەسەرکر.

میدیایێن ڕۆژئاڤایێ کوردستانێ بەلاڤکرن، هێزێن ناڤخۆیا منبج و گوندەوارێن وێ شانەیەکا نڤستی یا داعشێ ل ناڤا وی باژاری دەستەسەرکرن، کو ژ ١٨ کەسان پێکدهاتن و حەفت ژ وان ژن بوونە.

دیارکرنە ژی، ئەو شانەیا ڕێکخستنا داعشێ ژ ئالیێ کەسەکێ بناڤێ ئەبو مستەفا ڤە دهات بڕێڤەبرن، بەرپسیارە ژ ئەنجامدانا چەندین تاوان و هێرشان د ناڤخۆ و گوندێن باژارێ منبجێ دا.

بەحسا وێ یەکێ ژی کرنە، وان دەستەسەرکریێن داعشێ دانپێدان لسەر تاوانێن خۆ کرنە.

ئەڤە ژی دەمەکێ دایە، ل دەستپێکا ئەڤ سالە و هەیا نها چەندین تەقین و هێرش ل باژێرێ منبجێ ڕوودانە و بەشێ زێدە ژی ژ وان داعشێ بەرپرسیارەتیا خۆ لسەر نیشان دا و هەری دیار ژی تەقینا رۆژا ١٦ێ چلەیا ئەڤ سالە بوو، کو د ناڤا خارنگەھا (ئەلئومەرا) یا باژارێ منبجێ دا ڕوودا و تێدا  ١٩ کەس ھاتنە کوشتن و ھەژمارەکا دی ژی برینداربوون، چار ژ کوشتیان سەربازێن ئەمریکی بوون.

س.م