سەرنووچە:

میسر.. خۆنیشاندان ل دژی سیسی بڕێڤەچوون

فۆتۆ: 
2019-09-21

178 جار خوێندراوەتەوە

سەدان کەسێن نەڕازی دوهی ئەینیێ، ل سەنتەرێ قاهیرەیا پایتەخت و چەند باژێرێن وی ولاتی خرڤەبوون و چەند دروشم ل دژی حکومەتێ بلندکرن و داخوازا چوونا سەرۆکێ ولاتی عەبدولفەتاح سیسی کرن.

خۆنیشاندان پشتی وێ یەکێ هاتن کو د تۆڕێن جڤاکی دا هەوەک هاتە ڕاگەهاندن، کو ل دژی گەندەلیێ خۆنیشاندان بڕێڤەبچیت.

ب گوتنا شاهدحالان گرنگترین دروشمێن خۆنیشاندەران د گۆرەپانا تەحریر دا "هەرە سیسی" بوو وەک نیشاندانا نەڕازیبوونان ل دژی سیستەمێ بڕێڤەبرنا ولاتی، هەروەسا زۆرترین دروشم پێکدهاتن ژ "ئەم ژ چ ناترسین و پێدڤیە سیسی بچیت".

لگۆری نووچەیا ئاژانسا ڕۆیتەرز، هێزێن ئەولەهیێ هاتنە گۆرەپانا تەحریر ل قاهیرە و بۆ بەلاڤەکرنا خۆنیشاندەران گازا ڕۆندک ڕێژ بکارئینایە، لێ دگەل وێ چەندێ ژی دا هەژمارەک گەنج مانە و دروشمێن "هەرە سیسی" گوتنە.

ئەڤە ژی دەمەکێ دایە، ل سالا ٢٠١٣ێ عەبدولفەتاح سیسی ب داربەیەکا لەشکەری هاتە سەر دەستهەلاتێ و محەمەد مورسی سەرۆکێ وی دەمی یێ میسرێ دورخست، ژبەر هەوێن بەرفرەهێن دژی ئۆپۆزسیۆنا وی ولاتی خرڤەبوون و نەڕازیبوون د ولاتی دا کێم بوون.

س.م